JEREMIA 26:19 - AMÜSÜH HÜM CL Bible (BSI)

¹⁹ Juda kiulongthsüpuh Hezekia tüsho Juda alalanü atsütsü api sheshihkhea de? Apinü Atungpuh mütrekhea de tüsho Atungpuh amuzho thsungkheak mumushu de, tüsho apinü arü azhihde athakhi thsümütsü dünkheak Atungpuh lümkhi mümüthrikhea de? Tüshe isa a isa kheak thsümütsü ato handarüpü thsüchoh!”

JEREMIA 26:19 Iomraidhean Croise

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

2 KIUTHSÜYUKHEAN 32:20

Judüki kiulongthsüpuh Hezekia tüsho Amoz tsührü wukihbuh Isaianü ha dünkheaknü tamkhüntamnü tüsho yinmi lim zhi.

2 KIUTHSÜYUKHEAN 34:21

“Yüang, hüm yubo ngükhi dünkheak, I tüsho Israel le Juda ching aninga larü thsungkheak Atungpuh ki keoang; tümüde Atungpuh bukakhiukkhi isa kheak dungkihkhi ju ato ah, tümütüsho isa jipürübonü ha hüm ching thrütkhi yande arhimopü, Atungpuh yu mania lah.”

ABEKHIT 32:14

Jumonü Atungpuhnü api mihtsürü thsümünimpü chingnü lümalo.

ISAIA 26:21

Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 37:1

Küyimki kiulongthsüpuh Hezekianü ha sokhea, apinü akhim thorüpbah anihbuh shungliukhimnü hingdo, tüsho Atungpuh yam ching yüzah.

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

JEREMIA 26:15

Ha lang nüsanü khürü mükheahpü ju, nüsanü I sheshihsho, nüsanü nüsa le ha kiuto tüsho ha ching larübo kheak mülimkhi thiyih handarübah, tümüde thiyuro ching harü yubo nüsa nükhün ching arüshihpü Atungpuhnü I thiyikheah.”

JEREMIA 26:3

Khükia arü alalanü anibah tüsho arü amütsü limro chingnü rholobah, junangde arünü amütsü rhimokhi hode thsümütsü handarüpü lakhi dünkheak I lümkhi müthribah.

JEREMIA 44:7

Tüsho kheakü Wuto Atungpuh Israel Thrünpuhnü ha thachoh: Tümüde nüsanü nüsa yuripü, Juda bolungnü nüsa maningde athrürü tüsho aliberü, azürü tüsho khungarü dükheakpü rhimocho?

AMOS 7:3

Atungpuhnü ha dünkheak lümalo; “Ha jude müthsü,” Atungpuhnü tha.

HABAKKUK 2:10

Nünü mihtsürü ahihdo laksahde nü yamkhün thsungkheak achihbe lümkhi thsüdo; nünü nü rhangdung dükheakshihdo.

ZEKARIA 7:2

Kheakü Bethel mihtsürübonü Atungpuh ki mushushihpü Sharezer le Regemmelek tüsho arü mihtsürübo yüshih,

WÜHKHE 16:38

Arü me azhihde neak yihbeakrü yo mophuru ju kingaün sadam lüpdopü thsüde phurubeak kamde yümnakshang, tümütüsho arübonü ju Atungpuh miki jihmonü amüsüh kamdo; tüsho jurübo Israelrü thsungkheaknü amütsan thsübah.”

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

YUNIRÜBO RHIMO 5:39

tüshe ha Thrünpuh kilimnü a sho nüsanü arü mukuk. Nüsanü Thrünpuh azhihde keochihkhi kambah!”

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!