JEREMIA 25:9 - AMÜSÜH HÜM CL Bible (BSI)

⁹ Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 25:9 Iomraidhean Croise

2 KIULONG THSÜRÜ 24:2

Atungpuhnü api azhihde Kaldea, Siria, Moab, tüsho Amon bonungrübo yüshih; apinü ayamlarü wukihrübo hode asukkhi Atungpuh yu yande Juda azhihde dükheakshihpü arübo yüshih.

2 KIUTHSÜYUKHEAN 29:8

Jumonü Atungpuh bukakhiukkhi Juda tüsho Jirusalem kheak akih, tüsho apinü arü atrebe tüsho athraneanbe kukruk khülang kamshih, nüsa mükbonü ngülah.

2 KIUTHSÜYUKHEAN 36:21

Alonü amuni sühakhimkhibo asühachih; Jeremia hode Atungpuh yubo dünjipü thsungkheaknü kam nerü mübanyi khiungde zhikrangkhündo alakhi kim alala ching sühakhim.

MÜCHITMUDU 21:1

Kiulongthsürü mulong ju Atungpuh khah ching lah; ke yungbo nangde apinü külimpeang lümlanü thsüphülapchoh.

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 13:3

Inü müsühkhitrübo inü thiyukhüm jih, I rithsürübo, I lung asühachihrübo I bukakhiukkhi rhimoshihpü jimukhungdo.

ISAIA 39:7

Nü tsührübo khürü bede atsobah; arübo Babilon kiulongthsüpuh yam ching dukha labah.”

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

JEREMIA 1:14

Judüki Atungpuhnü I ki tha: Lomi ching larü alala kheak dukulim peangnü thsümütsü zhikihde arübah.

JEREMIA 1:15

Tümüde kheakü inü dukulim kiulongthsü trükbo alala ki jichoh, Atungpuhnü tha; tüsho arü arübah tüsho arü alalanü Jirusalem chipiripitbo ki mükamde alakhi rhü alala kheak tüsho Juda kiutobo alala kheak kiulongthsü-binkiu zobah.

JEREMIA 10:22

Kheahang, düsheak khülang, alankhi ato khülang dukulim lomi chingnü, Juda kiutobo zhikrangkhündo shirung lapung kamshihpü arüa lah.

JEREMIA 12:14

Atungpuhnü ha thachoh: Inü I mihtsürü Israel kilim jihkhi yamrüplurüp jangkhirü I phünirü mihbukmuyuk alala inü arü lomi chingnü arukkhitbah tüsho arü bolungnü inü Judarü khümkhitbah.

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 2:15

Kekhüzübonü api azhihde arung, arünü achangnü arung. Arünü api lo abahkhi kamshih; api kiutobo mihtsürü mülade thsümünima lah.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 25:8

Jumonü Wuto Atungpuhnü ha thachoh: Tümütüsho nüsanü I yu mani,

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 35:11

Tüshe küyimki Babilon kiulongthsüpuh Nebukednezarnü lomi azhihde atukhea, isanü tha, ‘ Arang, tüsho Kaldea bonungrü tüsho Aram bonungrü trekhinü isa Jirusalem lim yüanü.’ Jumonü isa Jirusalem ching lakheah.”

JEREMIA 36:2

Küpqiu khülang luang tüsho inü Israel le Juda tüsho trükshih alala azhihde, Josia kiulongthsüchoki inü nü ki asukpü tankihkhinü kheakü khiungde nü ki asukkhi yubo ju kheak thrütang.

JEREMIA 36:29

Tüsho Juda kiulongthsüpuh Jehoiakim dünkheak nünü athabah: Atungpuhnü thachoh, Nünü ha küpqiu takpü tha, “Tsükjide Babilon kiulongthsüpuh arübah tüsho ha lomi, mihtsürü tüsho shiwühbo thsümünimpü tümüde nünü ha ching thrütkhea?”

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 40:2

Aheangrü wühkenobuhnü Jeremia bea lu tüsho api ki tha, “Atungpuh nü Thrünpuhnü ha dangpung ha thsümüchinü müzündo;

JEREMIA 43:10

tüsho arü ki thaang, Wuto Atungpuh , Israel Thrünpuhnü ha thachoh: Inü Babilon kiulongthsüpuh I yamlarü Nebukednezar bedarübah, tüsho inü ayangkhi lungbo kheak api kiulongthsü zobah, tüsho apinü jurü kheak kiulongthsü-khim phukihbah.

JEREMIA 46:20

Ijip a moshi drelü nangde lah tüshe dukulimnü amükeakbe mukhu anihbe azhihde arüchoh.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

JEREMIA 8:16

Khorabonü sheak thsükhi Dan chingnü solah; arü khorapungbo khungkhinü alomi alala ajanchoh. Lomi tüsho ju ching lakhi alala, kiuto tüsho ju ching larü thsümünimpü arü arüdo.

EZEKIEL 12:20

Mihtsürü lakhi kiutobo thsümünima yapbah tüsho lomi zhikrangkhündo alabah. Judüki I Atungpuh de arünü mükheahbah.

EZEKIEL 16:40

Arünü nü azhihde arhunganim boto bedarübah, arünü nü kheak lungnü arubah tüsho arü nukshangbonü nü adütre kamde alipthünakbah.

EZEKIEL 21:11

Nukshang ju phekhitpü akhudo, khah ching shuhpü lah; ha zükhita tüsho phekhita lah, alaksahrü khah ching yukjihpü thsakhama lah.

EZEKIEL 26:7

Tümüde Atungpuh Thrünpuhnü ha thachoh: Inü Tair azhihde dukulimnü Babilon kiulongthsüpuh Nebukednezar, kiulongthsürübo kheaknü kiulongthsürü bedarübah, ju lung khorabo, khora-lolungbe, khoraberü tüsho bonungrü ahihdo bebah.

EZEKIEL 36:5

jumonü Atungpuh Thrünpuhnü ha thachoh: Inü aningkhi trükshihbo tüsho Edom alala azhihde mükthsükhi chingnü inü asukchoh. Arünü mulong athrünkhinü asühachih tüsho bahyukde I lomi yankhia lu tüsho ha rimlopung arü yamalo thsüpü lu.

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

HABAKKUK 1:17

Dale tüsho api keang yeahkeangde mihmüthsüm mülade trükshihbo laksahde alaba shi?

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.