JEREMIA 25:7 - AMÜSÜH HÜM CL Bible (BSI)

⁷ Tütüshe nüsanü I ki mani, Atungpuhnü thachoh, tüsho junangde nüsa khah rhimonü nüsa nihbuh thsümünimpü nüsanü I bukakhiukshih.

JEREMIA 25:7 Iomraidhean Croise

2 KIULONG THSÜRÜ 17:17

Arünü arü tsührü athrürü tüsho aliberübo monü taka kingaün; arünü akhasherü tüsho kuhikheahrü keode la; tüsho arünü Atungpuh miki amütsü rhimode nihbuh zangrü yinde api bukakhiukshih.

2 KIULONG THSÜRÜ 21:15

tümütüsho arünü I miki amütsü rhimodo tüsho arü jipürü Ijip chingnü akhiukkhi nimungnü khihni khiungde I bukakhiukshih.”

2 KIUTHSÜYUKHEAN 24:19

Tütüshe apinü arü Atungpuh kilim belode arüpü arü bolung wukihrübo yüshih; arünü arü azhihde thiyumütsan jih, tüshe arünü mani.

NEHEMIA 9:26

Tüshe nü mihtsürübonü nü azhihde mihyu mani; nü yakzan arü dunglim bah. Wukihrübo sherünü nü kilim rholoang de arü müzünde azhikheanü laksah. Arünü khide nü mükhemürang thsü,

MÜCHITMUDU 8:36

tüshe shepünü I azhihde neak yihbeakchonü nihbuh küdah thsüde yurichoh; I thraneanrü alalanü ashepü muzhochoh.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 22:21

Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 25:8

Jumonü Wuto Atungpuhnü ha thachoh: Tümütüsho nüsanü I yu mani,

JEREMIA 29:19

tümütüsho arünü I yu mani, Atungpuhnü thachoh, küyimki inü nüsa kilim I yamlarü wukihrübo alochode arüshihkhea, tüshe nüsanü mani, Atungpuhnü thachoh.

JEREMIA 44:7

Tüsho kheakü Wuto Atungpuh Israel Thrünpuhnü ha thachoh: Tümüde nüsanü nüsa yuripü, Juda bolungnü nüsa maningde athrürü tüsho aliberü, azürü tüsho khungarü dükheakpü rhimocho?

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.