JEREMIA 25:5 - AMÜSÜH HÜM CL Bible (BSI)

⁵ küyimki arünü tha, “ Nüsa mihbüm abannü nüsa amütsü limro tüsho amütsü rhimobo chingnü kheakü rholoang, tüsho Atungpuhnü nüsa le nüsa jipürü kilim jihkhi lomi ching lünnü nüsa aninga labah;

JEREMIA 25:5 Iomraidhean Croise

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

MUNGSHIKHÜN 139:24

tüsho I kheak mihbukmuyuk limro lanahnü kheahang, tüsho akheam mülakhi limro ching I beang.

MUNGSHIKHÜN 37:27

Amütsü chingnü chamkhiang, tüsho atsü rhimoang; tüsho lünnü laang.

ISAIA 1:16

Nüsa müsühang; nüsa müsühde kamang; nüsanü amütsü rhimokhibo I mük kinü yihkhita bahang; amütsü rhimo arün thsang,

JEREMIA 17:25

ha kiuto chipiripit hode David kiulongthsübinkiu kheak binrü kiulongthsürübo, arü torübo, Juda mihtsürü tüsho Jirusalem ching larü khora-lolungbe tüsho khorabo kheak binbah yüzahbah tüsho ha kiuto lünnü alabah.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 4:1

Nüsanü rholosho, O Israel Atungpuhnü thachoh, nüsanü I kilim rholosho, nüsanü athraneanbe I mikinü yihkhita bahsho, tüsho tsahphülapde müyüsho,

JEREMIA 7:7

jude thsüsho ha dangpung inü nüsa jipürü kilim lünnü lün jihkhi lomi ching I nüsa lung labah.

EZEKIEL 18:30

Jumonü, O Israel yamkhün, inü nüsa mihbüm aban nihbuh limrobo yande mahkhapbah, Wuto Atungpuhnü thachoh. Mulong müthriang! Nünü alakmihkhi alala chingnü rholode tsoang; junangde neaknü nüsa mükeamshih.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.