JEREMIA 25:35 - AMÜSÜH HÜM CL Bible (BSI)

³⁵ Mihnu neakrübo mutsokhukde alabah, tüsho mihnu putungrübo tsopung mülade alabah.

JEREMIA 25:35 Iomraidhean Croise

JOB HU H T ANYU 11:20

Tüshe mihbukmuyuk mürüngmürakhibo amukuk ngübah; tsokhitpung limro alala chingnü arü akeangkeang kambah. Tüsho arü mulonglam ju arü rhangdung akheam thsübah. Job.

MUNGSHIKHÜN 142:4

I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 25:36

Mihnu neakrübonü azhikhi, tüsho mihnu boto putungrübonü atripkhi aniang! Tümüde Atungpuhnü arü shiwüh akampung thsümünimjihchoh,

JEREMIA 32:4

Juda kiulongthsüpuh Zedekia Kaldearü khah chingnü mutsokhit, tüshe tsükjide api Babilon kiulongthsüpuh khah ching jihbah, tüsho apinü anihbuh ki mironü miro asukachihbah tüsho müknü mük kheahachihbah;

JEREMIA 34:3

Tüsho nü she api khah chingnü mutsokhi, tüshe tsükjide tholobah tüsho api kilim jihbah; nünü Babilon kiulongthsüpuh müknü mük ngübah tüsho api ki mironü miro asukachihbah; tüsho nü Babilon lim yübah.

JEREMIA 37:17

Judüki kiulongthsüpuh Zedekianü I bepü arüshihbah api yam ching bede yü, tüsho ramde keokhi, “Thiyu khürü Atungpuh kilimnü la shi?” Jeremianü alo, “ Lah!” Judüki apinü tha, “ Nü Babilon kiulongthsüpuh khah ching jihbah.”

JEREMIA 38:18

Tüshe nünü Babilon kiulongthsüpuh torü ki shuhmülanga müjihsho, ha kiuto Kaldearü kilim jihbah, tüsho arünü monü atakbah, tüsho nü she arü khah chingnü mutsokhi.”

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

JEREMIA 48:44

Atrebe chingnü atsorü abannü alokhün ching keamyukbah, tüsho alokhün chingnü akünkhitrü abannü azheang ching phuhbah. Tümüde harübo inü Moab kheak arü thsümüchipü kam ching handarübah, Atungpuhnü thachoh.

EZEKIEL 17:15

Tüshe Juda kiulongthsüpuhnü khorabo tüsho bonungrü boto bepü api yunithsürü Ijip ching yüshihde api azhih. Apinü akukba de? Hadürü rhimorü tsokhiba de? Apinü tangzüng thsümünimba de tüsho atsokhiba de?

EZEKIEL 17:18

Apinü thiyuchihchim mükhemükim tüsho tangzüng thsümünim. Apinü hadürü alala rhimo, api mutsokhi.

DANIEL 5:30

Ju tsüngrenü Kaldea kiulongthsüpuh Belshazzar ju laksah.

AMOS 2:14

Athride ashanrü she mütsokhi, tüsho sühmüh larü sühmüh mülade akambah, yungsho wutonü arü rhangdung mükhümkhit;