JEREMIA 25:30 - AMÜSÜH HÜM CL Bible (BSI)

³⁰ Jumonü nünü arü azhihde harü yubo alala müchitbah: Alomi ching larü alala azhihde Atungpuhnü achang kheaknü ahukbah, tüsho api amüsüh lapung chingnü api düsheak thsübah; apinü api lomi azhihde todakde ahukbah, tüsho kurungaso-nitrü nangde ahobah.

JEREMIA 25:30 Iomraidhean Croise

2 SAMUEL 15:25

Judüki kiulongthsüpuhnü Zadok ki tha, “Thrünpuh sangdan hanlobah kiuto ching yüzahang. Atungpuh miki I mihmuzho ngüsho, apinü I belode arübah tüsho ju le azopung dangpung ane chido ngüloshihbah.

1 KIULONG THSÜRÜ 9:3

Atungpuhnü api ki tha, “Nünü I miki tamkhüntamnükhi tüsho zhoshekhi inü sodo; nünü athsükhi yam ha inü müsühkhitdo, tüsho ju ching lün thsungkheak I mung yuka zolah; I mük tüsho I mulong lünnü ju ching labah.

2 KIUTHSÜYUKHEAN 30:27

Judüki amükeamrü tüsho Levirünü wusu tüsho mihtsürübo müngühjih, tüsho arü düsheak so; arü tamkhüntamnü ju api amüsüh lapung yinmi ching arü.

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 132:14

“Ha lünnü I sühakhimpung ah; ha ching I labah tümüde inü ha mulongdo.

MUNGSHIKHÜN 46:6

Trükshihbo müyinnimdo, kiulongthsübo niukdo; Thrünpuhnü tsüngmukchoh, tüsho alomi niuthünakchoh.

MUNGSHIKHÜN 58:5

junangde amünitrü yungsho rük lade amünitrü düsheak manijih.

MUNGSHIKHÜN 78:65

Judüki Atungpuh ju ayapkhi chingnü nangde, sühmüh larü mihtsürü yukhunü müshanga arungshihkhi nangde asürü.

ISAIA 16:9

Jumonü Jazer mitripkhi nangde inü Sibma kurungaso thsungkheak tripchoh; inü I chikenü nü pangchoh, O Heshbon tüsho Eleale; tümüde nü aso yimlukhi tüsho nü hi yimlukhi arün thsüdo.

ISAIA 33:3

Nü düsheak tsüngmuk sobah mihtsürübo tsochoh; nü asürüchoki trükshihbo tsomüzütchoh.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

JEREMIA 17:12

O müretahkhi kiulongthsü-binkiu, atankih chingnü ashuhkihkhi, ju isa arüngyam dangpung ah!

JEREMIA 25:38

Kekhüzü nangde apinü lapung bahbah tsodo; tümütüsho bukmüke nukshang tüsho api bukmükede akhiukkhinü arü lomi thsümünima lah.

JEREMIA 48:33

Asühara tüsho asühachihkhi Moab amüdang lomi chingnü lude tsodo; inü yukhu nitpung chingnü yukhu tuklodo; shenü jurübo asühachihde münit; azhikhi ju asühachihde azhikhi yung.

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

AMOS 1:2

Tüsho apinü tha: Atungpuhnü Zion chingnü arungchoh, tüsho Jirusalem chingnü adüsheak tsüngmukchoh; namfimihnu neakrü rimbo yiuhabahchoh, tüsho Karmel mujuk kungabahchoh.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

YUZÜNGTHALO 26:15

Nü lapung amüsüh yinmi chingnü abinkhia kheahang, tüsho nü mihtsürü Israel tüsho nünü isa jipürü kheak thiyuchihchimkhi nangde, nünü isa kilim jihkhi, niuhke tüsho mukhuke bukkhi lomi müngühjang.’

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.