JEREMIA 25:29 - AMÜSÜH HÜM CL Bible (BSI)

²⁹ Kheahang, I mung tamde ajikhi kiuto kheak inü thsümütsü handarüpü tankihchoh, tüsho küde thsah nüsanü thsümüchi tsokhikhukpü? Nüsa müthsümüchidüa müyü, tümüde lomi ching larü alala azhihde inü nukshang jihchoh, Wuto Atungpuhnü thachoh.

JEREMIA 25:29 Iomraidhean Croise

1 KIULONG THSÜRÜ 8:43

judüki nü lapung yinmi chingnü sojang, tüsho khiungkerünü nü ki jikhi yande alala rhimoang, junangde nü mihtsürü Israelnü arhimokhi ruk, lomi mihtsürü alalanü nü mung mükheahbah tüsho nü trebah, tüsho junangde inü athsükhi ha yam ching nü mung jia lah de arünü amükheahbah.

MÜCHITMUDU 11:21

Mihbukmuyuk a müthsümüchidüa müyü de mütsanang, tüshe thiyuro-lungkirü a atsokhitbah.

MÜCHITMUDU 11:31

Alomi ching thiyuro-lungkirü thsambah ngüchoh, junangde mihbukmuyuk tüsho aneakrü thsümüchibah de mütsanang!

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

JEREMIA 13:13

Judüki nünü arü ki thabah: Atungpuhnü ha thachoh: Ha lomi ching larü, David kiulongthsübinkiu kheak binrü kiulongthsürübo, amükeamrübo, wukihrübo tüsho Jirusalem ching larü alala inü amüshangshihbah.

JEREMIA 19:3

Nünü athabah: Atungpuh yu aniang, O Juda kiulongthsürübo tüsho Jirusalem ching larübo. Wuto Atungpuh , Israel Thrünpuhnü ha thachoh: Inü ha dangpung kheak thsümütsü handarübah, junangde sherübonü ha sobanü nükhün peangbah,

JEREMIA 30:11

Tümüde nü khümkhitpü I nü lung lah, Atungpuhnü thachoh, inü nüsa hiumüzütshihpung trükshihbo alala kheamshihbah, tüshe nü a inü mükheamshih. Thiyuronü inü nü danbah, tüsho nü shahde müthsümüchidüa mutsoshih.

JEREMIA 46:28

Nü thsungkheak a, dütre, I yamlarü Jakob, Atungpuhnü thachoh, tümüde I nü lung lah. Inü nü yana yüshihkhi trükshih alala kheamshihbah, tüshe inü nü a mükheamshih! Inü nü alungki ching thsangdanbah tüsho inü shahde müthsümüchidüa nü muzojih.

JEREMIA 49:12

Tümüde Atungpuhnü ha thachoh: khürü pung yungpü müthülünlün she, judü lang ayungbah, nü a müthsümüchide atsoba de? Nü müthsümüchide müyü; nünü ju ayungpü tsütsü.

EZEKIEL 14:17

Yungsho ju lomi azhihde inü nukshang handarü tüsho thakhülaa, “ Nukshangnü lomi amuyung ching hode yüang,” tüsho inü mihtsürü tüsho arü shiwühbo laksahsho,

EZEKIEL 14:21

Tümüde Wuto Atungpuhnü ha thachoh: Mihtrebe phüyi Jirusalem azhihde, nukshang, khümzung, mütüm shiwühbo tüsho arüm–mihtsürü tüsho arü shiwühbo laksahpü arüshihchoki küdükhüh amütsübe laba!

EZEKIEL 38:21

Inü I wungbo alala kheak Gog azhihde nukshang jihbah, Atungpuh Thrünpuhnü thachoh; mihbüm aban thsühnuknü khülangnü khülang azhihbah.

EZEKIEL 9:6

Ashinbuhrü mihtsürü, athrününgtsüng tüsho anünürü, azoberü tüsho azürü laksahang, tüshe amütsan kihrü sheshe düqiu. I arüngyam kinü tankihang.” Jumonü arünü arüngyam miki larü azothsürü kheaknü tankih.

OBADIA 1:16

Tümüde nünü I yo amüsüh müzüng kheak yungkhi nangde, nü mühirü trükshih alalanü ayungbah; arünü ayungbah tüsho ayingyingbah, tüsho arünü küyimkishe müthsüa kheahkhi ruk labah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

LUKNÜ ATHRÜTKHI THIYUSHEAK-ATSÜ HUHTANYU 23:31

Sangdung phüyakde alachoki harü rhimosho, ju akung lachoki tümü dünjiba?”

1 PETER 4:17

Tümüde Thrünpuh yamkhün chingnü mahkhap tankihpü arüdo; tüsho ju isa kheaknü tankihsho, Thrünpuh thiyusheakatsü mihyumanirü küde akheam thsüba?