JEREMIA 25:28 - AMÜSÜH HÜM CL Bible (BSI)

²⁸ Tüsho nü khah ching yo pung leangkhipü thsunglosho, nünü arü ki thabah: Wuto Atungpuhnü ha thachoh: Nüsanü ayungbeah!

JEREMIA 25:28 Iomraidhean Croise

JOB HU H T ANYU 34:33

Thrünpuhnü arhimokhi nünü azhihbahle, nünü alunekhi apinü arhimopü mükkin thsüba de? Tümüde nünü mokhitbeah, tüsho inü yung; jumonü nünü tümü mükheahlanü thaang.

JEREMIA 25:17

Jumonü inü Atungpuh khah chingnü pung lu, tüsho Atungpuhnü I thiyia yüshihpung trükshih alala yungshih:

JEREMIA 27:8

Tüshe trükshih khürü yungsho kiulongthsünü ha Babilon kiulongthsüpuh Nebukednezar mütankihsho, tüsho Babilon kiulongthsüpuh sangkaplak khüp ahung müyüzahsho, inü ju trükshih nukshang, khümzung tüsho arüm-tukthsünü, api khah hode inü ha thsümünimkhi mükheamyi khiungde athsümüchibah, Atungpuhnü thachoh.

JEREMIA 4:28

Ha dünkheaknü alominü mitripbah tüsho dukulim thüningbo mitingdo akambah; tümüde inü asukdo, inü lümkhi thsüdo; inü mulong mümüthri yungsho inü murholo.

JEREMIA 49:12

Tümüde Atungpuhnü ha thachoh: khürü pung yungpü müthülünlün she, judü lang ayungbah, nü a müthsümüchide atsoba de? Nü müthsümüchide müyü; nünü ju ayungpü tsütsü.

JEREMIA 51:29

Alomi ajanchoh tüsho niukchoh, tümüde Babilon azhihde Atungpuh lümkhi, Babilon lomi mihtsürü mülade azhikkhi kamshihpü lah.

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

OBADIA 1:16

Tümüde nünü I yo amüsüh müzüng kheak yungkhi nangde, nü mühirü trükshih alalanü ayungbah; arünü ayungbah tüsho ayingyingbah, tüsho arünü küyimkishe müthsüa kheahkhi ruk labah.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,