JEREMIA 25:16 - AMÜSÜH HÜM CL Bible (BSI)

¹⁶ Inü arü bolung thirithsü yüshihkhinü arübonü ayungbah tüsho ayingyingbah.

JEREMIA 25:16 Iomraidhean Croise

JEREMIA 13:12

Nünü arü ki ha yu asukbah: Atungpuh , Israel Thrünpuhnü ha thachoh: Yukhu phüh abande yukhu yukbah. Tüsho arünü nü ki thabah, “ Yukhu phüh aban ching yukhu yukpü isanü mümükheah de nünü lümla de?”

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

JEREMIA 25:27

Judüki nünü arü ki thabah, Wuto Atungpuh , Israel Thrünpuhnü ha thachoh: Inü nüsa bolung nukshang arüshihkhi hode yungang, müshangang tüsho mülümang, lungang tüsho dasürülo.

JEREMIA 45:5

Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”

JEREMIA 48:26

Moab müshangshang, tümütüsho apinü Atungpuh azhihde müretahdo; anihbuhnü mülümkhi ching Moab awuhshang; api she münedung kambah.

JEREMIA 51:39

Küyimki arü mulong phurubanü, inü arü yungbe zojihbah tüsho arübo masühyi khiungde müshangshihbah tüsho kamruhroro yapshihbah tüsho küyimkishe müyihmusu, Atungpuhnü thachoh.

JEREMIA 51:7

Babilon a Atungpuh khah ching suna pung lakheah, lomi alala müshangshih; trükshihbonü anihbe yukhu yungdo, tüsho junangde trükshihbo yingyingde kam.

TÜZHOKHI 3:15

Apinü I akhühnü mishih tüsho akhühkenü müshangshih.

TÜZHOKHI 4:21

Nüsa sherü Uz lomi ching lanü asühachihang tüsho asühang, O Edom tsührübe; tüshe nü kilim she pung arübah; nü amüshangbah tüsho nü bünkeang kambah.

OBADIA 1:16

Tümüde nünü I yo amüsüh müzüng kheak yungkhi nangde, nü mühirü trükshih alalanü ayungbah; arünü ayungbah tüsho ayingyingbah, tüsho arünü küyimkishe müthsüa kheahkhi ruk labah.

NAHUM 3:11

Nü she amüshangbah, nü jikde ayübah; nü thiriri kheaknü tsoyukpung yimbah.

AMIKHEAKAKHIUKKHI 14:10

api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah.

AMIKHEAKAKHIUKKHI 14:8

Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”

AMIKHEAKAKHIUKKHI 18:3

tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”