JEREMIA 25:11 - AMÜSÜH HÜM CL Bible (BSI)

¹¹ Ha lomi abümnü thsümünimbah tüsho akeangkeang kambah, tüsho harü trükshihbonü kam nerü Babilon kiulongthsüpuh tankihbah.

JEREMIA 25:11 Iomraidhean Croise

2 KIUTHSÜYUKHEAN 36:20

Nukshang chingnü atsokhitrü apinü Babilon ramtso ching hanbah yü, tüsho Persia kiulongthsükhi khiungde arübo api le api tsührübo yamlarübo kam.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

JEREMIA 25:12

Jushu kam nerü dunglim, Babilon kiulongthsüpuh, ju trükshih tüsho Kaldearü lomi arü mülimkhi dün alomi ju lünnü zhikrangkhündo akamshihbah, Atungpuhnü thachoh.

JEREMIA 25:38

Kekhüzü nangde apinü lapung bahbah tsodo; tümütüsho bukmüke nukshang tüsho api bukmükede akhiukkhinü arü lomi thsümünima lah.

JEREMIA 27:22

Jurübo Babilon ching hande ayübah tüsho arü thsungkheaknü inü rhuakheahpü nimung khiungde arü ju ching labah, Atungpuhnü thachoh. Judüki inü arü belodarübah tüsho ha dangpung ching zobah.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 28:14

Tümüde Wuto Atungpuh , Israel Thrünpuhnü ha thachoh: Inü trükshih alala hung kheak yinchikaplak yihkihjihdo, junangde Nebukednezar tankihbah, tüsho arünü dükde api tankihbah; inü api kilim mütüm shiwühbo she jihdo.

JEREMIA 29:10

Tümüde Atungpuhnü ha thachoh: Babilon ching kam nerü bankhitsho lang inü nüsa rhuakheahbah, tüsho inü nüsa ki alokhikhi dünjishihbah tüsho nüsa ha dangpung ching belodarübah.

JEREMIA 4:26

Inü kheah, tüsho kheahang, Atungpuh bukakhiukkhinü amüdang lo ju loshelo kamabah tüsho kiuto alala thsümünimabah.

JEREMIA 4:27

Tümüde Atungpuhnü ha thachoh: Lomi abümnü zhikrangkhündo alabah; tütüshe inü akheam tsütsü mükamshih.

JEREMIA 43:10

tüsho arü ki thaang, Wuto Atungpuh , Israel Thrünpuhnü ha thachoh: Inü Babilon kiulongthsüpuh I yamlarü Nebukednezar bedarübah, tüsho inü ayangkhi lungbo kheak api kiulongthsü zobah, tüsho apinü jurü kheak kiulongthsü-khim phukihbah.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

EZEKIEL 12:19

Lomi mihtsürü ki thaang: Jirusalem ching larü tüsho Israel lomi ching larü dünkheak Wuto Atungpuhnü ha thachoh: Arünü trechihtreande jim tsühbah tüsho adükheakkhi ching ke yungbah, tümüde ju ching larünü thsümünimkhi dünkheaknü lüpdükhi arü lomi chingnü akheamshihbah.

EZEKIEL 29:11

Mihtsürü jingnü ha mütsahho, tüsho shiwühnü ha mütsahho; ha kam yirü mülade alabah.

EZEKIEL 6:14

Tüsho inü arü azhihde I khah chungkhitbah tüsho loshelo chingnü Bibla khiungde alomi ju thsümünima zhikrangkhündo kamshihbah. Judüki I Atungpuh de arünü mükheahbah.

DANIEL 9:2

Api kiulongthsü atan kam ching, I Danielnü Atungpuhnü wukihrü Jeremia ki thakhi nangde, kam nerü Jirusalem thsümünimpü dünkheak amüsüh hümbo khede tüsho lümakheahde alakheah.

LEVI 26:32

Inü nüsa yingyingbe khungshihbah, tüsho ju ching lapü arürü nüsa riribonü ju ngübah müyinsahbah.

MIKA 7:13

Tüshe ju ching larü rhimo sangasobo dünkheaknü alomi zhikrangkhündo alabah.

ZEKARIA 1:12

Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?