JEREMIA 24:9 - AMÜSÜH HÜM CL Bible (BSI)

⁹ Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 24:9 Iomraidhean Croise

1 KIULONG THSÜRÜ 9:7

judüki inü Israel ju arü jihkhi lo chingnü adükheakshihbah; tüsho inü I mung thsungkheak müsühkhitkhi yam ju inü abahyukbah; tüsho Israel ju mihtsürü alala bolung müchitmudu tüsho münedung kambah.

2 KIUTHSÜYUKHEAN 7:20

jushu a inü nü kilim jihkhi lomi chingnü nü rukkhita bahbah; I mung thsungkheaknü inü amüsühkhitkhi ha yam I mikinü inü abahyukbah, tüsho ha mihtsürü alala bolung müchitmudu tüsho münedung khülang kamshihbah.

MUNGSHIKHÜN 69:11

küyimki inü shungliukhim phuyubanü mihtsürübonü I luhmünechoh.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

ISAIA 65:15

Nüsa mung ju inü mokhitkhi kilim athruajipü zojihbah, tüsho Atungpuh Thrünpuhnü nüsa a asheshihbah; tüshe api yamlarübo ki apinü mung püpünü ajibah.

JEREMIA 15:4

Hezekia tsührü Juda kiulongthsüpuh Manasenü Jirusalem ching rhimokhi hode lomi kiulongthsü alala ki inü arübo mihtrebe kamshihbah.

JEREMIA 19:8

Tüsho inü ha kiuto atrebe, ish thsübe khülang kamshihbah; ha chingnü ahorü abannü ha thsümütsü dünkheaknü atrebah tüsho ish thsübah.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 29:22

Tüsho arü dünkheak Babilon ching Juda ramtsorü alalanü ha muthrumüneanbah: “Atungpuhnü nü Zedekia tüsho Ahab nangde kamshang, sherü Babilon kiulongthsüpuhnü mo ching takkhea,”

JEREMIA 34:17

Jumonü Atungpuhnü ha thachoh: Nüsanü nüsa yamhingrü tüsho müyamrübo müdükhekhi hode I yu manide kamdo; inü nüsa kilim dükhepü lah, Atungpuhnü thachoh–nukshang, arüm-tukthsü tüsho khümzung dükhebah. Inü nüsa lomi kiulongthsü alala ki atrebe kamshihbah.

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:13

Inü Jirusalem thsümüchikhi nangde, Ijip lomi ching larü nukshang, khümzung tüsho arümtukthsünü thsümüchibah,

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

EZEKIEL 23:46

Tümüde Atungpuh Thrünpuhnü ha thachoh: Ane treshihpü tüsho jangkhipü boto khülang bedarang.

EZEKIEL 25:3

Amonrü ki thaang, Atungpuh T H RÜ NPU H yu aniang: Atungpuh Thrünpuhnü ha thachoh, Tümütüsho I arüngyam müneana lachoki, tüsho Israel lomi thsümünima lachoki, tüsho Juda yamkhün ramtso ching yüchoki nüsanü “Aha!” de tha;

EZEKIEL 26:2

Mihtsürü tsührü, tümütüsho Tairnü Jirusalem dünkheak mutukzhakde tha, “Aha, mihtsürübo chipiripitlimro thsümünima lah; ha I ki khimshuhmülih-a lah; kheakü thsümünima lakhi inü athsülobah.”

EZEKIEL 5:8

Jumonü Wuto Atungpuhnü ha thachoh: Jirusalem, inü I küdah thsüde nü azhihchoh, tüsho trükshihbo mikinü inü nü mahkhapbah.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.