JEREMIA 24:8 - AMÜSÜH HÜM CL Bible (BSI)

⁸ Tüshe Atungpuhnü ha thachoh: Khubaso amütsü mütsühkhukpü lakhi nangde, inü Juda kiulongthsüpuh Zedekia, api yo atorübo, ha lomi ching lakhi Jirusalem ching aningkhibo tüsho Ijip lomi ching larübo ki rhimobah.

JEREMIA 24:8 Iomraidhean Croise

1 KIUTHSÜYUKHEAN 3:15

Josia tsührübo: adüjibuh Johanan, mahnepü Jehoiakim, asampü Zedekia, aphüyipü Shallum.

JEREMIA 13:7

Judüki inü Euphrarü kilim yü, tüsho kiu tüsho inü rama lakhi dangpung chingnü chimrüm khim lu. Tüshe chimrüm khim ju thsümünima lakheah; ju tümü atsü mülade alakheah.

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 24:2

Muluk khülang ching akhuh münkhi khubaso nangde, khide atsü lakheah, tüshe püpü muluk ching a mütsühkhukpü thsüde khide amütsü khubaso lakheah.

JEREMIA 24:5

Atungpuh Israel Thrünpuhnü ha thachoh: Harü khubaso atsü nangde, inü ha dangpung chingnü Kaldearü lomi ching yüshihrü Juda ching ramtsorü atsü khejihbah.

JEREMIA 37:10

Nüsanü nüsa bede keochihrü Kaldearü bonungrü alala kukkuk she tüsho arü khimyambo ching yurirü lang aninga lalashe, arünü asürübah tüsho ha kiuto monü atakbah.

JEREMIA 37:17

Judüki kiulongthsüpuh Zedekianü I bepü arüshihbah api yam ching bede yü, tüsho ramde keokhi, “Thiyu khürü Atungpuh kilimnü la shi?” Jeremianü alo, “ Lah!” Judüki apinü tha, “ Nü Babilon kiulongthsüpuh khah ching jihbah.”

JEREMIA 43:1

Küyimki Jeremianü Atungpuh arü Thrünpuhnü arü kilim thiyia yüshihkhi Atungpuh arü Thrünpuh yubo alala mihtsürübo ki thakhamkhea,

JEREMIA 44:1

Jihudarü Ijip lomi ching larü, Migdol ching, Tapanhes ching, Memphis tüsho Pathros ching larü alala thsungkheak Jeremia kilim thiyu arü,