JEREMIA 24:5 - AMÜSÜH HÜM CL Bible (BSI)

⁵ Atungpuh Israel Thrünpuhnü ha thachoh: Harü khubaso atsü nangde, inü ha dangpung chingnü Kaldearü lomi ching yüshihrü Juda ching ramtsorü atsü khejihbah.

JEREMIA 24:5 Iomraidhean Croise

MUNGSHIKHÜN 119:67

I müthsünüde alachoki I tsokhia lakheah, tüshe kheakü inü nü yu zochoh.

MUNGSHIKHÜN 119:71

I thsümüchikhi ju I thsungkheaknü atsü lakheah, tümütüsho hanü I nü yukhümbo anikhitshih.

JEREMIA 24:4

Judüki Atungpuh yu I kilim arü:

JEREMIA 29:11

Tümüde inü nüsa thsungkheak lümkhi thsükhi inü mükheahlah, Atungpuhnü thachoh, nüsa arung thsungkheak lümkhibo tüsho athsümünimpü yung, nüsa kilim arübe mulonglam jihpü lah.

JEREMIA 29:20

Tüshe kheakü, inü Jirusalem chingnü Babilon ramtso ching yüshihrübo nüsa alala, Atungpuh yu aniang:

JEREMIA 29:4

Wuto Atungpuh , Israel Thrünpuhnü, inü Jirusalem chingnü Babilon ching yüshihrü ramtsorü alala kilim ha thachoh:

EZEKIEL 11:17

Jumonü thaang: Wuto Atungpuhnü ha thachoh: Trükshihbo chingnü inü nüsa bemukhungbah tüsho nüsa hiumüzütkhi lomibo chingnü belodarübah, tüsho nüsa kilim inü Israel lomi jihlobah.

EZEKIEL 11:20

Jushu arünü I yakzan thsükhibo yanbah tüsho I yakzanbo zopü kümkangbah. Arü ju I mihtsürü thsübah, tüsho I ju arü Thrünpuh thsübah.

LEVI 26:44

Tütüshe, arübo arü riri lomi ching lalashe, inü arübo mübahyuk yungsho shahde müthsümünim, tüsho arü kheak inü tangzüngkhi müthsümünim; tümüde I Atungpuh arü Thrünpuh.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

MATHI 25:12

Tüshe apinü tha, ‘Atsütsü inü nüsa ki thachoh, inü nüsa mümükheah.’

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

1 KORINT 8:3

Tüshe khürünü Thrünpuh muzhosho, apinü anihbuh mükheahlah.

GALATIA 4:9

tüshe kheakü, nüsanü Thrünpuh mükheahdo, yungsho Thrünpuhnü mükheahdo, küde thsah nüsanü jurü bukkhüp azhorü kamlopü reangmüzahkhi tüsho achimudo yuzüngbo lim rholoba?

YUZÜNGTHALO 8:16

Akheam ching nüsa tsüde alashihpü apinü nüsa kilim nüsa bebuhrünü küyimkishe mümükheahkhi, nüsa azhihayihshihpü tüsho rükakipü atsühbe manna kip.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.