JEREMIA 24:1 - AMÜSÜH HÜM CL Bible (BSI)

¹ Atungpuhnü khubaso muluk mahne Atungpuh arüngyam miki zokhi I ki huh. Ha Babilon kiulongthsüpuh Nebukednezarnü Jehoiakim tsührü Juda kiulongthsüpuh Jehoiakin, api lung Juda torübo, keaklahrü, yingkingrü, Babilon ramtso ching hande ayü dunglim lakheah.

JEREMIA 24:1 Iomraidhean Croise

2 KIULONG THSÜRÜ 24:10

Ju kim ching Nebukednezar Babilon kiulongthsüpuh yamlarübo Jirusalem ching atu, tüsho kiuto yanabah.

2 KIUTHSÜYUKHEAN 36:10

Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

ISAIA 13:1

Amoz tsührü Isaianü Babilon dünkheak ngükhi müchityu.

JEREMIA 13:19

Negeb kiutobo shenü mükhimshuhpü thsüde rihdoa lah; Juda alala ramtso ching lude tsodo, abümnü ramtso ching lude tsodo.

JEREMIA 27:20

küpü Babilon kiulongthsüpuh Nebukednezarnü Jehoiakim tsührü Juda kiulongthsüpuh Jehoiakin, tüsho api lung Juda tüsho Jirusalem ching mükheahmudurü Jirusalem chingnü Babilon lim ramde ayüchoki mulude ayükhea–

JEREMIA 28:4

Inü Jehoiakim tsührü Juda kiulongthsüpuh Jehoiakin she tüsho Juda chingnü Babilon ching ramtso yürü alala belodarübah, Atungpuhnü thachoh, tümüde inü Babilon kiulongthsüpuh sangkaplak yihshakdo.”

JEREMIA 29:1

Ha Nebukednezarnü Jirusalem chingnü ramtso ching hande ayürü, ramtsorü bolung aningkhi azothsürübo, amükeamrübo, wukihrübo, tüsho mihtsürü alala kilim wukihbuh Jeremianü Jirusalem chingnü thrüta yüshihkhi yubo ah.

JEREMIA 29:2

Ha kiulongthsüpuh Jehoiakin, tüsho kiulongthsüberü, mahkhaprübo, Juda tüsho Jirusalem limberübo, keaklahrü, yingkingrü Jirusalem chingnü chamachihshu thrütkheah.

JEREMIA 37:1

Josia tsührü Zedekia, Babilon kiulongthsüpuh Nebukednezarnü Juda lomi ching kiulongthsürü thsüshihbuhnü Jehoiakim tsührü Konia müthri kiulongthsü.

EZEKIEL 17:4

apinü achangbe adübit zükshakdo tüsho ju yinzüyindorü lomi ching hande yüdo, apinü ju yinzüyindorü kiuto khülang ching zo.

EZEKIEL 19:9

Arünü khoyangnü api thoa lubah chirhang ching yuk tüsho Babilon kiulongthsüpuh kilim api bedarü. Arünü api rihyam ching yuk, jumonü api arungkhi Israel müzüngbo kheak musodebah. @1- L I N E- SP AC E=

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

AMOS 7:1

Atungpuh Thrünpuhnü I ki ha huh: Kiulongthsüpuh shihcham yimlubah mahnepü hi akhiukchoki apinü tangkhobo thründe alakheah.

AMOS 7:4

Atungpuh Thrünpuhnü I ki ha huh: Atungpuh Thrünpuhnü mo mahkhappü arüpü jide alakheah, tüsho hanü asük ato aniuabah tüsho alo aniuabah.

AMOS 7:7

Apinü I ki ha huh: Atungpuh ju akhah ching akeara-liu khülang shuhbah, akeara-liunü akede athsükhi rhü ki zhipde alakheah.

ZEKARIA 1:20

Judüki Atungpuhnü I ki rhimorü phüyi yümlung shuhbah huh.

ZEKARIA 3:1

Judüki apinü Achangbe Amükeambuh Jihusua ju Atungpuh miki zhipde, tüsho api amülim jihpü akhah tsülim peang Arimri zhipde I ki huh.