JEREMIA 23:4 - AMÜSÜH HÜM CL Bible (BSI)

⁴ Inü arü kümpü yakzanshuhrübo mokhitbah, tüsho arünü kheaküa mütre, yungsho mümüyinnim, yungsho müdükheak, Atungpuhnü thachoh.

JEREMIA 23:4 Iomraidhean Croise

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

JEREMIA 31:10

Atungpuh yu aniang, O trükshihbo, tüsho limshu ching keyean lomibo ching zhiyukang; thaang, “Shepünü Israel müzütshihkheanü apinü arü bemukhungbah, tüsho mihnu neakrü nangde api mihnu boto neakbah.”

JEREMIA 33:26

inü Jakob tsührü tüsho I yamlarü David bahyukbah tüsho api tsührü sheshe Abraham, Isak tüsho Jakob tsührü kurungkheak yakzanshuhrü mumokhit. Tümüde inü arü kuhibo jihlobah, tüsho arü kheak mihmüthsüm labah.

EZEKIEL 36:11

tüsho inü nüsa kheak mihtsürü tüsho shiwühbo wüh bushihbah. Arübo alü kambah tüsho aso asobah; tüsho akhuhlim kimbo ching nangde inü nüsa kheak laloshihbah, tüsho püpüki kheaknü alü nüsa ki tsüde arhimobah. Judüki I Atungpuh de nüsanü mükheahbah.

LEVI 26:9

Inü nüsa kheak künde akheahbah tüsho nüsa aso asode wüh bushihbah, tüsho inü tangzüngkhi nüsa kheak zobah.

MIKA 4:4

tüshe arü alala arü nihbuh kurungaso tüsho khubasodung khüp binbah, tüsho shenü arü mütreshih; tümüde Wuto Atungpuh münnü asukdo.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

ZEPHANIA 3:13

aningkhi Israel; arünü amülim tümü mürhimo, tüsho akeangyu mütha, yungsho arü mün ching mülapyukkhi mulo müngü. Judüki arünü mihnu boto yimkipbah, tüsho zuhyuka yapbah, tüsho shenü arü mütreshih.

WÜHKHE 31:49

tüsho arünü Mosa ki tha, “Nü yamlarübonü keochih ching berü isa yukhüm ching lakhi mihtsürü khea kheahdo, tüsho mihtsürü khülang lang she müdükheak.

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 18:9

junangde apinü, “Nünü sherü I kilim jihkheanü sheshe müdükheak,” de athakhi dünjipü lakheah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.