JEREMIA 23:36 - AMÜSÜH HÜM CL Bible (BSI)

³⁶ Tüshe “Atungpuh müchityu” de arünü kheaküa dütha, tümüde müchityu ju mihbüm aban yubo lah, tüsho junangde nüsanü Wuto Atungpuh isa arhang Thrünpuh yu thamüchihchoh.

JEREMIA 23:36 Iomraidhean Croise

2 KIULONG THSÜRÜ 19:4

Khükia api putungrü Asiria kiulongthsüpuhnü arhang Thrünpuh münejihshihpü thiyikhi limthobuh yubo Atungpuh nü Thrünpuhnü asobah, tüsho Atungpuh nü Thrünpuhnü asokhi yu dünkheak api thürühbah; jumonü aninga lakhi thsungkheak nünü tamkhüntamnüjang.”

MUNGSHIKHÜN 12:3

Atungpuhnü münjipjip tüsho kükheangkhi mulo aban zhikde kamshang,

MUNGSHIKHÜN 120:3

Nü kilim tümü jihba, yungsho nü ki tümü thsüba, nüsa akeangyu mulo?

MUNGSHIKHÜN 149:9

thrüta lakhi mahkhap arü kheak rhimopü– ha api amüsührü alala müretah lah. Atungpuh shiang!

MUNGSHIKHÜN 64:8

Arü mulo dünkheaknü apinü arü kheak athsümünim handarübah; arü ngürü alalanü arü kubo angambah.

MÜCHITMUDU 17:20

Shepü mülapmüji mulong lanü atsü tümü müngüchoh, tüsho shepü mülapyuk mulo lanü amütsü ching keamyukchoh.

ISAIA 28:22

Jumonü kheakü nüsanü luhmünekhi tukloang, jude yungsho nüsa rhükbe liu müküpshihbah; tümüde alomi alala kheak athsümünimpü yakzan thsükhi Wuto Atungpuh T H RÜ NPU H kilimnü inü sodo.

ISAIA 3:8

Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 23:37

Nünü hanangde wukihrü ki keokhibah, “Atungpuhnü nü ki tümü alode?” Yungsho “Atungpuhnü tümü asukde?”

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

MATHI 12:36

Tüshe mihtsürünü mükümkang yu thakhi aban dünkheak mahkhap nimung arünü thiyusheak jihbah de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 19:22

Tüsho apinü anihbuh ki tha, ‘Nü mihbukmuyuk yamlarü, nü yunü nü mahkhapbah.

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

GALATIA 6:5

Tümüde mihtsürü abannü nihbuh hah hanbeah.

YUZÜNGTHALO 5:26

Tümüde isa lakhi nangde, mo phulungnü arhang Thrünpuh düsheak sokhi mihtsürü shepü la?

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

2 PETER 3:16

Apinü hadürü thade api yo kihüm alala ching rukhüh thrütchoh. Api kihümbo ching, mümükheahrü tüsho dükde mülakhi mihtsürünü arü nihbuh thsümünimpü püpü amüsühyu ki rhimokhi nangde, arükchihnü athanakkhi anikhitpü khürü a chakde lah.

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”