JEREMIA 23:30 - AMÜSÜH HÜM CL Bible (BSI)

³⁰ Kheahang, jumonü shepünü khülang kheaknü khülang I yu ahühchonü wukihrübo kheak inü azhihchoh, Atungpuhnü thachoh.

JEREMIA 23:30 Iomraidhean Croise

MUNGSHIKHÜN 34:16

Atungpuh miro ju alomi ching arü mülümkhitde akampü amütsü rhimorü azhihde lah.

JEREMIA 21:13

Kheahang, inü nüsa azhihchoh, O jindükhün ching larübo, O adükhün lungto, Atungpuhnü thachoh; nüsa sherünü tha, “Shenü isa azhihde akikhukpü, yungsho shenü isa jikpung azahkhukpü?”

JEREMIA 23:31

Kheahang, inü wukihrübo azhihchoh, Atungpuhnü thachoh, sherünü nihbuh yunü thacho, “Atungpuhnü thachoh.”

JEREMIA 44:11

Jumonü Wuto Atungpuh , Israel Thrünpuhnü ha thachoh: Inü Juda alala kheamshihpü, nüsa kheak thsümütsü handarüpü lümkihlah.

JEREMIA 44:29

Ha nüsa ki amütsan labah, Atungpuhnü thachoh, inü nüsa ha dangpung chingnü thsümüchibah, ju hode nüsa azhihde I yubo tsükjide arhimobah de nüsanü mükheahbah:

EZEKIEL 13:20

Jumonü Wuto Atungpuhnü ha thachoh: Wuhnubo nangde nüsanü mihtsürü phuhkhi nüsa wurükbo kheak inü azhihchoh tüsho inü jurübo nüsa bin kheaknü thokhibah; nüsanü wuhnubo nangde aphuhkhi mihtsürübo inü dükhebah.

EZEKIEL 13:8

Jumonü Wuto Atungpuhnü ha thachoh: Nüsa amülim yubo tüsho akeangyu michihbo hode, inü nüsa azhihchoh, Wuto Atungpuhnü thachoh.

EZEKIEL 15:7

Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah.

LEVI 20:3

Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

YUZÜNGTHALO 18:20

Tüshe wukihrü shenü mükheahlah de lümbah I mung chingnü inü thiyukhüm müjihkhi yungsho püpürü thrünpuhbo mung ching thabanü ju wukihrü ashebah.’

YUZÜNGTHALO 29:20

Atungpuhnü api neak mübahjih; tümüde Atungpuh bukakhiukkhi tüsho api mükthsükhi ju mihtsürü kheak alü trubah, tüsho ha hüm ching thrüta lakhi muthrumünean alala api kheak akihbah, tüsho Atungpuhnü api mung thüning khüpnü nankhita bahjihbah.

1 PETER 3:12

Tümüde thiyuro-lungkirü kheak Atungpuh mükbo lah, tüsho api nükhünbo arü tamkhüntamnükhi lim lah. Tüshe Atungpuh miro amütsü rhimorü azhihde lah.”