JEREMIA 23:22 - AMÜSÜH HÜM CL Bible (BSI)

²² Tüshe arünü I athsunganah ching zhipkhülaa, arünü I mihtsürübo ki I yu zhiyuka labah, tüsho arü amütsü limro tüsho arü rhimo amütsü chingnü rholoa labah.

JEREMIA 23:22 Iomraidhean Croise

JEREMIA 23:14

Tüshe Jirusalem ching wukihrü bolung inü khide atrebe ngüdo: Arünü müzammüramchoh tüsho akeangyu ching tsahchoh; arünü amütsü rhimorü khah düküngloshihchoh, junangde sheshe mihbukmuyuk chingnü murholo; arü alala I ki Sodom nangde kamdo, tüsho ha ching larübo Gomorra nangde lah.

JEREMIA 23:18

Tüshe shepünü akheahpü tüsho api yu anipü Atungpuh athsunganah ching zhipde? Azhiyukpü thsüde shepünü api yu anide?

JEREMIA 25:5

küyimki arünü tha, “ Nüsa mihbüm abannü nüsa amütsü limro tüsho amütsü rhimobo chingnü kheakü rholoang, tüsho Atungpuhnü nüsa le nüsa jipürü kilim jihkhi lomi ching lünnü nüsa aninga labah;

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 9:12

Ha anikhitpü shepü lümlung khiukde la? Apinü akhipkhitshihpü thsüde shepü ki Atungpuh münnü asukkhea? Shenü mütsahhopü thsüde, sunglo nangde tümüde alomi thsümünima yapla?

EZEKIEL 13:22

Nüsa akeangyubo hode inü müyuripü lümkhi mihtsürü atsü mulong ninishih. Nüsanü mihtsürübo amütsü tuklopü tüsho arü rhangdung khümkhitpü chingnü zhipdo.

EZEKIEL 13:5

Atungpuh nimung keochih ching düküngde azhippü thsüde nüsanü chipi zhakkhibo ching Israel yamkhün thsungkheak thsülopü muwutu.

EZEKIEL 18:30

Jumonü, O Israel yamkhün, inü nüsa mihbüm aban nihbuh limrobo yande mahkhapbah, Wuto Atungpuhnü thachoh. Mulong müthriang! Nünü alakmihkhi alala chingnü rholode tsoang; junangde neaknü nüsa mükeamshih.

EZEKIEL 2:7

Arünü anini she yungsho manini she nünü arü ki I yubo asukbeah, tümüde arübo azhihrü ah.

EZEKIEL 3:17

“Mihtsürü tsührü, inü nü Israel yamkhün thsungkheak aheangrü khülang kamshihdo; jumonü inü asukkhi yu aniang tüsho I kilimnü arü ki dühdükhi yu jihang.

AMOS 3:7

Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

ZEKARIA 1:4

Nüsa jipürü nangde düla, sherü ki akhuhlim wukihrübonü zhiyuk, “ Wuto Atungpuhnü ha thachoh, Nüsa amütsü limrobo tüsho nüsa amütsü rhimobo chingnü rholoang.” Tüshe arünü muso yungsho I ki mani, Atungpuhnü thachoh.

MALAKI 2:6

Thiyuro yakzan api mün ching lakheah, tüsho api münküp kheak amülim tümü müngü. Apinü azhihayih tüsho alungki ching I lung tsah, tüsho apinü ahihkhüh amülim chingnü rholoshih.

YUNIRÜBO RHIMO 20:27

tümüde inü nüsa ki Thrünpuh lümkhi alala zhiyukpü müdukiuhlo.

1 TESALONIKA 5:6

Jumonü püpürü nangde isanü müyapnü tüshe isanü kurhanganü tüsho rhüngrhüngde danyukanü.