JEREMIA 23:21 - AMÜSÜH HÜM CL Bible (BSI)

²¹ Inü wukihrübo müthiyi, tütüshe arünü alihdo; inü arü ki masuk, tütüshe arünü müchitdo.

JEREMIA 23:21 Iomraidhean Croise

ISAIA 6:8

Judüki Atungpuhnü athakhi düsheak inü so, “ Inü shepü yüshihba, tüsho isa thsungkheak shepü yüba?” Tüsho inü tha, “ I ha ching lah; I yüshang!”

JEREMIA 14:14

Tüsho Atungpuhnü I ki tha: Wukihrübonü I mung ching akeangyu müchitchoh; inü arü müthiyi, yungsho arü ki thiyukhüm müjih yungsho arü ki masuk. Arünü nü ki akeangyu michih, müthülünkhi müchityu, tüsho arü nihbuh akeangyu lümkhi müchitchoh.

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

JEREMIA 27:14

Babilon kiulongthsüpuh mütankihpü wukihrübonü nüsa ki thakhi yubo dani, tümüde arünü nüsa ki akeangyu müchitchoh.

JEREMIA 27:15

Inü arübo müthiyi, Atungpuhnü thachoh, tüshe arünü I mung chingnü akeangyu müchitchoh, ju hode inü nüsa yankhitbah tüsho nüsa le nüsa ki müchitrü wukihrübo dükheakbah.

JEREMIA 28:15

Tüsho wukihbuh Jeremianü wukihbuh Hanania ki tha, “Aniang, Hanania, Atungpuhnü nü müthiyi, tüsho nünü ha mihtsürübo akeangyu ching kinshihchoh.

JEREMIA 29:31

Ramtsorü alala ki thaa yüshang, Nehelamrü Shemaia dünkheak Atungpuhnü ha thachoh: Tümütüsho inü api müthiyia lalashe Shemaianü nüsa ki müchitdo, tüsho akeangyu ching nüsa kinshihdo,

JEREMIA 29:8

Tümüde Wuto Atungpuh , Israel Thrünpuhnü ha thachoh: Nüsa lung larü wukihrü tüsho müchitrübonü nüsa dümülapyukshih, tüsho arünü milim mikhi nüsanü dani,

JEREMIA 29:9

tümüde arünü I mung chingnü akeangyu nüsa ki müchitchoh; inü arü müthiyi, Atungpuhnü thachoh.

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

YUNIRÜBO RHIMO 13:4

Junangde Amüsüh Menü thiyide, arünü Seleukia lim yüki; tüsho ju chingnü Saipra lim yü.

ROMRÜ KILIM PAULNÜ ATHRÜTKHI KIHÜM HUHTANYU 10:15

Tüsho arü thiyia mülasho mihtsürübonü küde thsah thsangyuthsangraba? Ha thrüta lah, “Thiyusheak atsü thsangyuthsangrarü jing küdükhüh she akhamla!”