JEREMIA 23:12 - AMÜSÜH HÜM CL Bible (BSI)

¹² Jumonü arü limro ju amiting ching limro shahshah nangde alabah, küpü ching arü jing mükheba tüsho alungba; tümüde arü thsümüchipü kam ching inü arü kheak thsümütsü handarübah, Atungpuhnü thachoh.

JEREMIA 23:12 Iomraidhean Croise

JOB HU H T ANYU 18:18

Api ayin chingnü amiting ching nimyukdo, tüsho alomiküp chingnü yankhita bahdo.

MUNGSHIKHÜN 35:6

Atungpuh yunirünü arü müshamde, arü limro mitingshang tüsho shahshahshang.

MUNGSHIKHÜN 73:18

Tsükjide nünü arübo ashahshahpung ching zojih; nünü arübo athsümünim ching bahjih.

MUNGSHIKHÜN 82:5

Arünü mümükheah, yungsho arünü manikhit; arü amiting ching tsahchoh; alomi khimtanbo alala niukniuklah.

ABEKHIT 32:34

Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

MÜCHITMUDU 4:19

Mihbukmuyuk limro ju amiting nangde lah; tümünü arü jing mükheshihchonü arünü mümükheah.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 11:23

tüsho arü asheaning sheshe müla. Tümüde inü Anathoth mihtsürü kheak, arü thsümüchikhi kam, thsümütsü handarübah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 48:44

Atrebe chingnü atsorü abannü alokhün ching keamyukbah, tüsho alokhün chingnü akünkhitrü abannü azheang ching phuhbah. Tümüde harübo inü Moab kheak arü thsümüchipü kam ching handarübah, Atungpuhnü thachoh.

JEREMIA 50:27

Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

TÜZHOKHI 2:20

Kheahang, O Atungpuh , tüsho lümakheahang! Shepü ki nünü ha rhimokhea? Azoberübonü arünü azübekhi tsührü tsühba shi? Amükeamrü tüsho wukihrübo Atungpuh arüngyam ching laksahba de?

MIKA 7:4

Arü bolung atsüdakbe ju khingphu nangde lah, arü bolung khide alungki ju ayangrung lah. Arü aheangrü nimungbo arü thsümüchipü arüdo; kheakü arü yingyingpü khah ki lah.

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

YUZÜNGTHALO 32:35

Royimpü tüsho ashaklopü I yo, akhukhi kim ching arü jing lihbah; tümüde arü thsümüchipü nimung thüninde lah, tüsho arü kiuyuk aphüni lah.

1 JOHAN 2:11

Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.