JEREMIA 23:11 - AMÜSÜH HÜM CL Bible (BSI)

¹¹ Wukihrü tüsho amükeamrü chido Thrünpuh manikhit; I yam ching she inü arü mihbukmuyuk ngüdo, Atungpuhnü thachoh.

JEREMIA 23:11 Iomraidhean Croise

2 KIUTHSÜYUKHEAN 33:5

Apinü Atungpuh yam ching khikzakpung mahne ching chiningbo kingaünpü thsungkheaknü kingaün sadambo thsü.

2 KIUTHSÜYUKHEAN 33:7

Apinü athsükhi sangthsü Thrünpuh yam ching zo, küpü dünkheak Thrünpuhnü David tüsho api tsührü Solomon ki tha, “Ha yam ching, tüsho Jirusalem ching, küpü inü Israel trük alala bolungnü amokhitkhea, inü I mung lünnü azobah;

2 KIUTHSÜYUKHEAN 36:14

Limberü amükeamrübo alala tüsho mihtsürübonü she trükshihbo yo athraneanbe yande khitode müthülünde alakheah; tüsho apinü Jirusalem ching müsühkhitkhi Atungpuh yam arünü müneanabah.

EZRA 10:18

Khiungkeberü yihlurü athrürübo harü ah: Amükeamrü yamkhün chingnü: Jozadak tsührü Jeshua tsührübo tüsho akeoniorübo: Maaseia, Eliezer, Jarib, tüsho Gedalia.

JEREMIA 11:15

Inü amuzhokhi mihtsürünü amütsü rhimochoki, arübo I arüngyam ching tümü alim la? Thiyuchihchim tüsho shiwüh kingaünkhinü thsümütsü zhipdobah de arünü lümcho shi? Junü arü asühshihba de?

JEREMIA 23:15

Jumonü wukihrübo dünkheak Wuto Atungpuhnü ha thachoh: “ Inü arü kilim tsühyungpü akhüh tsühshihbah, tüsho müzüm duhbah; tümüde Jirusalem ching wukihrübo kheaknü Thrünpuh mümükheahkhi lomi ching budo.”

JEREMIA 32:34

Arünü I mung kihkhi thüyambo kheak athraneanbebo zhipshih, tüsho ju müneanjih.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 50:6

I mihtsürübo adükheakkhi namfimihnu lakheah; arü namfimihnu neakrübonü awungbo lim rholoshihde bephülapdo; awungbo chingnü müzüngbo ching rümde yü, arünü arü lapung yam mihdo.

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

JEREMIA 7:30

Tümüde Juda mihtsürübonü I miki amütsü rhimodo, Atungpuhnü thachoh; I mung tamkhi yam müneanjihde, arünü athraneanbe zodo.

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

TÜZHOKHI 2:20

Kheahang, O Atungpuh , tüsho lümakheahang! Shepü ki nünü ha rhimokhea? Azoberübonü arünü azübekhi tsührü tsühba shi? Amükeamrü tüsho wukihrübo Atungpuh arüngyam ching laksahba de?

EZEKIEL 23:39

Tümüde küyimki anenü ane sangthsübo khilim ane tsührübo laksahkheanü, ju nimung anenü I arüngyam ching müneanjihpü yüzah. Ha anenü I yam ching rhimokheah.

EZEKIEL 44:10

Tüshe Levirübo sherünü I kheaknü limshude chamkhibah Israelrü lung arü sangthsübo dunglim yüa lanü, arünü arü amülim hanbah.

EZEKIEL 7:20

Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah.

EZEKIEL 8:11

Jurü mikhuh ching Israel yamkhün azothsürübo 70 zhip tüsho Shaphan tsührü Jaazania arü bolung zhipde alakheah. Mihbüm aban khah ching mophüh lakheah, tüsho rhümthünea mokhüh liukihde alakheah.

EZEKIEL 8:16

Jushu apinü I Atungpuh yam khikzhakpung alungbe ching bede yüzah tüsho arüngyam limro kheak mükü le kingaün sadam dükeak mihtsürü 25 lakheah. Arü düthsün Atungpuh arüngyam lim thsü tüsho arü miro aniakhiuklim abinbah ani ki khukningde alakheah.

ZEPHANIA 3:3

Ju ching atorübo ju ahukkhi kekhüzübo lah; mahkhaprübo ju are tsahbe rimrebo, junangde yapsu khiungde tümü maningshih.

ZEPHANIA 3:4

Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.