JEREMIA 22:6 - AMÜSÜH HÜM CL Bible (BSI)

⁶ Tümüde Juda kiulongthsüpuh dünkheak Atungpuhnü ha thachoh: Nü a I ki Gilead nangde Lebanon wung nangde lah; tüshe nü sunglo, mihtsürü mülakhi kiuto kamshihpü inü thiyuchihchimchoh.

JEREMIA 22:6 Iomraidhean Croise

THRÜNTAN 37:25

Arü yimtsühpü binde alachoki, arünü abinkih-a kheah tüsho Ishmaelrü hantsahrü bo khülang Gilead limnü arüde ngü. Arü yo kemelbo ju thüneathürabebo, molike tüsho jinjinlaknü hah thsüa lakheah, tüsho arü jurü hanbah Ijip lim yükide alakheah.

MUNGSHIKHÜN 107:34

aso asokhi lo ju akukruk lo kamshih, ju ching larü mihbukmuyukkhi hode alakheah.

KHÜNBOLUNGKHÜN 4:1

Nü küdükhüh she jak atsü, I tsübe, küdükhüh khide jak atsü! Amuhiudokhi khüp nü mük ju müthrithrümpü mük ruk lah. Nü kuyü ju mihnu boto Gilead düpheak yükikhi nangde lah.

KHÜNBOLUNGKHÜN 5:15

Api jingbo lungmüye dungjingbo, suna müchinbo kheak lah. Api akheahpü ju Lebanon, amokhitkhi cedar nangde lah.

ISAIA 27:10

Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

ISAIA 37:24

Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

JEREMIA 21:11

Juda kiulongthsüpuh yamkhün ki thaang: Atungpuh yu aniang,

JEREMIA 21:14

Nüsanü rhimokhi sangaso nangde inü nüsa thsümüchibah, Atungpuhnü thachoh; inü ha murung ching mo takkihbah, tüsho ju mükamde alala aniuabahbah.

JEREMIA 22:24

Atungpuhnü thachoh, Jehoiakim tsührü, Juda kiulongthsüpuh Jehoiakin I khah tsülim peang mütsan-dokhi yingkhüm thsüthsü she, ju chingnü she inü nü rukkhita bahbah

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 4:20

Thsümütsünü thsümütsü yankihchoh, lomi abümnü thsümünima yaplah. Zukleangnü I khimyambo, khülang kinü zhindokhimbo thsümünima lah.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 50:12

nü be lümchihyuk ngübah, tüsho nü zübebe mungchih ngübah. Kheahang, anihbe trükshih bolung akheambe labah, sunglo, akunglo, tüsho ke-mülakhi loshelo labah.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

JEREMIA 8:22

Gilead ching moli müla de? Ju ching thümürü müla de? Dale tümüde amuzhobe I mihtsürü shihphü müthsüngukhea?

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

ZEKARIA 11:1

Nü ripitbo khimshuhang, O Lebanon, junangde monü nü yo cedarbo aniubah!

WÜHKHE 32:1

Kheakü Reuben tüsho Gad tsührübo akam-shiwüh hihdakde alakheah; tüsho küyimki arünü Jazer tüsho Gilead lomi ngükhea, ju lomi ju shiwüh akampü tsüde alakhea,

YUZÜNGTHALO 3:25

Inü tamkhüntamnüchoh, I hode yüshang tüsho Jordan yean alo atsü, awung atsü tüsho Lebanon ngüshang.