JEREMIA 22:27 - AMÜSÜH HÜM CL Bible (BSI)

²⁷ Tüshe arünü arülopü künkhi lomi ching arü marülo.

JEREMIA 22:27 Iomraidhean Croise

MUNGSHIKHÜN 86:4

Nü yamlarü me asühshang, tümüde O Atungpuh , inü I me shuhkihchoh.

JEREMIA 22:10

Shepü shea lanü api thsungkheak dütrip, yungsho api thsungkheak dütüzho; tüshe shepü tsoabahchonü api thsungkheak tripang, tümüde anihbuh asürü-lomi kheahpü api malodarü.

JEREMIA 22:11

Atungpuhnü Josia tsührü Joahaz, shepü abuh müthri Juda kiulongthsüpuh lakhea, tüshe ha dangpung chingnü tsoabahkheanü, api dünkheaknü tha: Api ha ching malodarü,

JEREMIA 22:12

tüshe arünü api ramde ayüpung api shebah, tüsho apinü küyimkishe ha lomi müngülo.

JEREMIA 22:26

Inü nü tüsho nü zübekhi nü be, nü müzübepung lomi ching yana tsoshihbah, tüsho ju ching nü shebah.

JEREMIA 22:28

Ha mihtsürü Jehoiakin ha mükheahnekhi atrükhi phüh a de? Tümü thsükhi api le api tsührübo yankhita bah-a la tüsho arünü mümükheahkhi lomi ching yana tsoshih-a la?

JEREMIA 28:4

Inü Jehoiakim tsührü Juda kiulongthsüpuh Jehoiakin she tüsho Juda chingnü Babilon ching ramtso yürü alala belodarübah, Atungpuhnü thachoh, tümüde inü Babilon kiulongthsüpuh sangkaplak yihshakdo.”

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 44:14

junangde Juda aningkhi, Ijip lomi ching lapü arürü mutsokhi yungsho rhangdung müla yungsho Juda lomi ching malodarü. Arünü ju ching lapü yünede lümlüm she tsokhia larü khürü kheak hode, arü alode müyü.