JEREMIA 22:25 - AMÜSÜH HÜM CL Bible (BSI)

²⁵ tüsho nü rhangdung yimrü khah ching nünü atrerü khah ching, Babilon kiulongthsüpuh Nebukednezar tüsho Kaldearü khah ching jihbah.

JEREMIA 22:25 Iomraidhean Croise

2 KIUTHSÜYUKHEAN 36:10

Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

MÜCHITMUDU 10:24

Mihbukmuyuknü tümü trechonü api kheak arübah; thiyuro-lungkirünü tümü lunechonü amülüjihbah.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 22:28

Ha mihtsürü Jehoiakin ha mükheahnekhi atrükhi phüh a de? Tümü thsükhi api le api tsührübo yankhita bah-a la tüsho arünü mümükheahkhi lomi ching yana tsoshih-a la?

JEREMIA 27:6

Kheakü inü harü lomi alala I yamlarü, Babilon kiulongthsüpuh Nebukednezar khah ching jihdo, tüsho inü api kilim mütüm shiwühbo she api tankihpü jihdo.

JEREMIA 38:16

Jumonü kiulongthsüpuh Zedekianü ramde Jeremia ki thiyuchihchim thsü, “Atungpuh lale, Shepünü isa rhangdung jihkhea, inü nü müsheshih yungsho nü yimrü mihtsürübo khah ching müjih.”