JEREMIA 22:22 - AMÜSÜH HÜM CL Bible (BSI)

²² Apungnü nü mihnu neakrübo yünde atsobah, tüsho nü muzhorü ramde atsobah; judüki nü rhimo amütsü alala dünkheak nü achih ngübah tüsho mulong dükheakbah.

JEREMIA 22:22 Iomraidhean Croise

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

ISAIA 65:13

Jumonü Atungpuh Thrünpuhnü thachoh: I yamlarübo atsühbah, tüshe nüsa akhümbah; I yamlarübo ayungbah, tüshe nüsa kethüribah; I yamlarübo asühachihbah, tüshe nüsa achih ngüshihbah;

JEREMIA 10:21

Tümüde namfimihnu neakrübo makhalah tüsho Atungpuh müyim; jumonü arü mümüngüh tüsho arü mihnu alala hiumüzüta lah.

JEREMIA 12:10

Namfimihnu neakrü ahihdonü I yo kurungasolu thsümünimdo, arünü I shihcham junakdo, arünü inü asühkhi shihcham azhikkhi sunglo kamshihdo.

JEREMIA 2:36

Küdüküdü she shande, nü limro müthrichoh! Asirianü achih ngüshihkhi nangde Ijipnü nü achih ngüshihbah.

JEREMIA 2:37

Nü khahnü ku thürümlobah ju chingnü she nü arüabahbah; tümüde nünü mulonglamrü Atungpuhnü bahyukdo, tüsho arü hode nü alü müngü.

JEREMIA 2:8

“Atungpuh küching la?” de amükeamrübonü mütha. Yakzanshuhrübonü I mümükheah; Yakzanshuhrübonü I azhihde lakmih; wukihrübonü Baal hode müchit, tüsho alü mülakhi kukruk dunglim yü.

JEREMIA 20:11

Tüshe Atungpuh ju atrebe thirithsürü nangde I lung lah; jumonü I thsümüchirü jing mükhebah tüsho arünü mukuk. Arü tode achih ngübah,tümüde arünü akuk müngü. Arü akheam müla achihkhi küyimkishe mümih.

JEREMIA 30:14

Nü muzhorü alalanü nü mihabahdo; arünü nü müküm; tümüde thiririnü nangde inü nü shikdo, bukmükerü khülangnü nangde thsümüchido, tümütüsho nü mülimkhi tolah, tümütüsho nü neakbo hihdaklah.

JEREMIA 4:30

Tüsho nü, O zhikrangkhündo alakhi, nü neakrümde ayihkhi amütsan tümü a, ju ruk nünü suna lakbonü züt thsücho, nü mükbo mujua toshihcho? Akeangkeang ching nü züt thsüchoh, nü muzhorübonü nü mükhemürangchoh; arünü nü rhangdung yimchoh.

JEREMIA 5:13

Wukihrübo ju apung lang ah, tümüde thiyu arü kheak müla. Ha arü kheak rhimobah!

JEREMIA 7:19

Atungpuhnü thachoh, Arünü I bukakhiukshihcho de? Arü küdah thsüde arü achih handarüchoh yung de?

HOSEA 12:1

Ephraimnü apung yimtsühchoh, tüsho nimung amuyung aniakhiuklim pung müshamchoh; arünü akeangyu tüsho athsümünim alü kamshihchoh; arünü Asiria kheak binthrüm thsüchoh, tüsho Ijip lim müdangke hande yüchoh.

HOSEA 13:15

Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah.

HOSEA 4:19

Arübo ju apungnü yünde atsobah, tüsho arünü shuhmülanga kingaünkhibonü arü kheak achih handarübah.

ZEKARIA 11:17

Namfimihnu boto bahyukrü, müthülünkhi namfimihnu neakrü are! Nukshangnü api bin tüsho amük tsülim thsümünimshang! Api bin shahde keahkhishang, api mük tsülim shahde tukabahshang!

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.