JEREMIA 22:21 - AMÜSÜH HÜM CL Bible (BSI)

²¹ Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 22:21 Iomraidhean Croise

2 KIUTHSÜYUKHEAN 33:10

Atungpuhnü Manase tüsho api mihtsürübo ki asuk, tüshe arünü mani.

MUNGSHIKHÜN 129:1

“Arünü I athunu kim chingnü thsümüchido,” Israelnü kheakü thashang–

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

ISAIA 48:8

Nünü küyimkishe musoakheah, nünü küyimkishe mümükheahkheah, adüsonü nü nükhün mükhimshuh. Tümüde nünü khide akinashu mülade arhimobah de inü mükheah, tüsho nuyam chingnü nü a azhihrü de ajikheah.

JEREMIA 13:10

Ha amütsü mihtsürü, sherünü I yu anipü thsunglocho, sherünü nihnihde arü lümkhi ching yancho tüsho püpürü thrünpuhbo dunglim arü tankihpü tüsho kingaünpü yüdünü, atsü thsungkheak tümü mülakhi ha chimrüm khim nangde alabah.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 2:25

Püpürü thrünpuhbo müshamkhinü nü jing düthrokheam yungsho nü thru dükungshih. Tüshe nünü tha, “Ha lümkhi akeangkeang, tümüde inü jaksorü muzhodo tüsho arü dunglim I yübah.”

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 25:3

Amon tsührü Juda kiulongthsüpuh Josia kiulongthsükhi kam thürükheak mahsampü chingnü khihni khiungde, kam mukukheak mahsam, Atungpuh yu I kilim arü, tüsho inü nüsa ki alochode asukdo, tüshe nüsanü mani.

JEREMIA 25:4

Tüsho Atungpuhnü api yamlarü wukihrübo alala alochode nüsa kilim arüshihshih she, nüsanü mani yungsho nüsa nükhün mumupho,

JEREMIA 25:7

Tütüshe nüsanü I ki mani, Atungpuhnü thachoh, tüsho junangde nüsa khah rhimonü nüsa nihbuh thsümünimpü nüsanü I bukakhiukshih.

JEREMIA 25:8

Jumonü Wuto Atungpuhnü ha thachoh: Tümütüsho nüsanü I yu mani,

JEREMIA 3:24

Tüshe isa athunuchokinü isa jipürübonü achihbe rhimokhi hode arü mihnubo, moshibo, arü tsührübo tüsho tsührübebo muyuabahdo.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 32:30

Tümüde Israel mihtsürü tüsho Juda mihtsürünü arü athunuchokinü I miki amütsü lang rhimodo; Israel mihtsürünü tümü mürhimo tüshe arü khah rhimobonü I bukakhiukshihdo, Atungpuhnü thachoh.

JEREMIA 35:15

Inü nüsa kilim I yamlarü wukihrübo alala alochode thaa arüshih, Kheakü nüsa mihbüm abannü nüsa amütsü limro chingnü rholoang, tüsho nüsa rhimobo thsüphuloang, tüsho püpürü thrünpuhbo dunglim arü tankihpü düyü, tüsho inü nüsa le nüsa jipürü kilim jihkhi lo ching nüsa labah. Tüshe nüsanü nüsa nükhün mümupho yungsho I yu mani.

JEREMIA 48:11

Moab a api athunuchokinü zuzu lakheah, yukhu nangde azhihzhih kingmukhungdo; api a phüh khülang chingnü khülang mudungakeang, yungsho api a ramtso ching müyü; jumonü api kekhi judü lang lah tüsho api rhümthüneakhi mümüthri.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

EZEKIEL 20:13

Tütüshe Israel mihtsürünü sunglo ching I azhih. Mihtsürünü mihyuanibah rhangdung lapü lalashe, arünü I yakzan thsükhibo müyan tüshe I yakzanbo bahyuk tüsho arünü shahde I amunibo müneanjih. Jumonü inü arü kheak I bukakhiuk dungkihbah tüsho sunglo ching arü dükheakshihbah de inü tha.

EZEKIEL 20:21

Tüshe tsührübonü I azhih: Arünü I yakzan thsükhibo müyan, mihtsürünü mihyu anibah rhangdung lapü lalashe arünü I yakzanbo zopü mükümkang, tüsho I amunibo müneanjih. Jumonü sunglo ching arü kheak I bukakhiuk dungkihpü tüsho arü azhihde bukakhiukpü inü tha.

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 20:8

Tüshe arünü I azhih tüsho I ki mani; arü mük ki lakhi athraneanbe mejakbo arünü yihkhita mübah, yungsho arünü Ijip sangthsübo mübahyuk. Jumonü I mulong zhipzhip arü kheak dungkihpü tüsho Ijip ching arü kheak I bukakhiukpü inü tha.

ZEPHANIA 3:2

Hanü tümü düsheak mani; hanü athsülangkhi müleangkhi. Hanü Atungpuh kheak mükin; hanü nihbuh Thrünpuh kilim phünide müyü.

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

YUZÜNGTHALO 31:27

tümüde nüsanü azhihkhi tüsho yihkhrokhi inü mükheahlah. Khihni I nüsa lung lachokiyamnü nüsanü Atungpuh azhihde lado, dale I sheshu a küdükhüh laba?

YUZÜNGTHALO 9:24

Inü nüsa mükheahkhi nimungnü ründe nüsanü Atungpuh azhihde arüdo.

YUZÜNGTHALO 9:7

“Nüsanü künangde sunglo ching Atungpuh nüsa Thrünpuh bukakhiukshihkheanü lümkhitang tüsho dümih; nüsa Ijip lomi ching chamachihkhi nimungnü ha dangpung khiungde arüchoki dükeak ching nüsanü Atungpuh azhihde arüdo.