JEREMIA 22:19 - AMÜSÜH HÜM CL Bible (BSI)

¹⁹ Donki mi bahkhi nangde api mi bahbah, Jirusalem chipiripitbo hode nimkhita tüsho jipkhita bahbah.

JEREMIA 22:19 Iomraidhean Croise

1 KIULONG THSÜRÜ 14:10

jumonü, Jeroboam yamkhün ching inü thsümütsü handarübah. Israel ching azhorü tüsho zuzu lakhi athrürü aban Jeroboam kheaknü akheamshihbah, tüsho khürünü alala mükheamkhamyi khiungde khih takkhi nangde Jeroboam yamkhün aniuabahshihbah.

2 KIULONG THSÜRÜ 23:36

Jehoiakim kiulongthsüpü tankihchoki api kam 25 azorü lakheah; apinü Jirusalem ching kam thürükheak khülang kiulongthsü. Abe mung ju Rumarü Pedaia tsührü Zebida lakheah.

2 KIULONG THSÜRÜ 24:6

Jumonü Jehoiakim nihbuh jipürü lung yap; jushu atsührü Jehoiakinnü api müthri.

2 KIULONG THSÜRÜ 9:35

Tüshe küyimki arünü anihbe kiuyuka bahpü yükhea, arünü alibe kuro le jing tüsho amüyilungbo lang ngü.

2 KIUTHSÜYUKHEAN 36:6

Babilon kiulongthsüpuh Nebukednezarnü api azhihde atu, tüsho api Babilon lim bede ayüpü wuhrünliunü rhük.

T H S AN GYU T H S AN GR ARÜ 6:3

Mihtsürü khülangnü tsührü 100 lapü kuklah; apinü rhangdung ching masühsho, yungsho kiuyuka mübahsho, shea zübekhi khungarü khülang ju api kheaknü atsübe ah de inü thachoh.

JEREMIA 15:3

Tüsho inü arü kurungkheak thsümünimrü mungji phüyi zojihbah, Atungpuhnü thachoh: alaksahpü nukshang, adütrünpü khihnubo, thüning wuhnubo tüsho alomi shiwühbo amuyupü tüsho athsümünimpü labah.

JEREMIA 36:30

Jumonü Juda kiulongthsüpuh Jehoiakim dünkheak Atungpuhnü ha thachoh: David kiulongthsü-binkiu kheak binpü api a she müla, tüsho api ashemi animuro atak ching bahbah tüsho azhing ching thüwün ching bahbah.

JEREMIA 36:6

jumonü nü yüang, tüsho khümkeak thsü nimung inü thade nünü athrütkhi Atungpuh yu küpqiu chingnü mihtsürübonü sode kheang. Nünü jurübo Juda mihtsürü arü kiutobo chingnü arürünü she sode kheang.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

EZEKIEL 19:8

Judüki trükshihbonü api azhihde mühide alakhi kewungbo chingnü arü. Arünü api thsungkheak keang phua zojih tüsho arü müthrim ching api phuh.

EZEKIEL 39:5

nü a mükeak ching keambah; tümüde inü asukdo, Atungpuh Thrünpuhnü thachoh.