JEREMIA 22:18 - AMÜSÜH HÜM CL Bible (BSI)

¹⁸ Jumonü Jehoiakim tsührü, Juda kiulongthsüpuh Josia dünkheak Atungpuhnü ha thachoh: Arünü api thsungkheak ha ruk thade mütüzho, “Aha, akhiung!” yungsho “Aha, achi!” Arünü api thsungkheak ha ruk thade mütüzho, “Aha, Atungpuh !” yungsho “Aha, api wüntre-müretah!”

JEREMIA 22:18 Iomraidhean Croise

2 SAMUEL 1:26

I nü thsungkheak mulong rozhaklah, I keonio Jonathan; nünü I kheak khide muzhodakde alakheah; nünü I muzhokhi amüyinsahbe, aliberü muzhokhi kheaknü alü lakheah.

1 KIULONG THSÜRÜ 13:30

Apinü mi ju anihbuh kiuyuk ching yapshih; tüsho api kheak tüzhode tha, “O, I keonio!”

2 KIULONG THSÜRÜ 23:36

Jehoiakim kiulongthsüpü tankihchoki api kam 25 azorü lakheah; apinü Jirusalem ching kam thürükheak khülang kiulongthsü. Abe mung ju Rumarü Pedaia tsührü Zebida lakheah.

2 KIULONG THSÜRÜ 23:6

Apinü Atungpuh yam chingnü Ashera sangthsü yihkhitbah Jirusalem aleanglim, Kidron ayung lim lude yünü takbah asungthulung kamde kingnak tüsho asungthulung ju mihtsürü dümung kiuyukbo kheak bah.

2 KIULONG THSÜRÜ 24:6

Jumonü Jehoiakim nihbuh jipürü lung yap; jushu atsührü Jehoiakinnü api müthri.

1 KIUTHSÜYUKHEAN 3:15

Josia tsührübo: adüjibuh Johanan, mahnepü Jehoiakim, asampü Zedekia, aphüyipü Shallum.

2 KIUTHSÜYUKHEAN 35:25

Jeremianü she Josia thsungkheak tüzhokhi thrüt, tüsho khün thsürü athrürü tüsho aliberübonü arü tüzhokhi ching khihni khiungde thsüchoh. Arünü harü Israel ching jipü-yakli khülang kamshih; jurübo atüzhokhi ching thrütyuka lah.

2 KIUTHSÜYUKHEAN 36:5

Jehoiakim kiulongthsüpü tankihchoki kam 25 azorü lakheah; apinü Jirusalem ching kam thürükheak khülang kiulongthsü. Apinü A TUN GPU H anihbuh Thrünpuh miki amütsü rhimo.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 16:6

Ha lomi ching ato tüsho anini chido ashebah; arübo kiuyuka mübah, tüsho shenü arü thsungkheak mütüzho; arü thsungkheak tüzhode mütsüt yungsho ku mühüt.

JEREMIA 21:11

Juda kiulongthsüpuh yamkhün ki thaang: Atungpuh yu aniang,

JEREMIA 22:10

Shepü shea lanü api thsungkheak dütrip, yungsho api thsungkheak dütüzho; tüshe shepü tsoabahchonü api thsungkheak tripang, tümüde anihbuh asürü-lomi kheahpü api malodarü.

JEREMIA 22:12

tüshe arünü api ramde ayüpung api shebah, tüsho apinü küyimkishe ha lomi müngülo.

JEREMIA 34:5

nü mungtsü chingnü ashebah. Tüsho nüsa jipürü, nü müngüh kiulongthsürübo thsungkheak arhümthüneabe takkhi nangde, arünü nü thsungkheak rhümthüneabe takbah tüsho nü thsungkheak tüzhode athabah “Aha, Atungpuh !” Tümüde inü thiyu asukdo, Atungpuhnü thachoh.

JEREMIA 36:30

Jumonü Juda kiulongthsüpuh Jehoiakim dünkheak Atungpuhnü ha thachoh: David kiulongthsü-binkiu kheak binpü api a she müla, tüsho api ashemi animuro atak ching bahbah tüsho azhing ching thüwün ching bahbah.