JEREMIA 22:17 - AMÜSÜH HÜM CL Bible (BSI)

¹⁷ Tüshe nü mükbo tüsho mulong thiyuro mülakhi alü thsüpü amülim mülarü thiyih bukpü, tüsho juno-rhimopü tüsho athsümünim-yakli rhimopü lang ah.

JEREMIA 22:17 Iomraidhean Croise

1 KIULONG THSÜRÜ 21:19

Nünü api ki thaang, “Atungpuhnü ha thachoh: Nünü mihtsürü laksahdü de, tüsho yamalo she ludü de?” Nünü api ki thaang, “Atungpuhnü ha thachoh: khihnubonü Naboth thiyih müleakpung ching, khihnubonü nü thiyih she amüleakbah.”

2 KIULONG THSÜRÜ 23:37

Anihbuh jipürübonü arhimokhi nangde, apinü Atungpuh miki amütsü rhimo.

2 KIULONG THSÜRÜ 24:4

tüsho apinü neak mükihrü thiyih bukshihkhi dünkheak she ah; tümüde apinü neak mükihrü thiyihnü Jirusalem mishih, tüsho Atungpuhnü neak bahjihpü mümulongde alakheah.

2 KIUTHSÜYUKHEAN 36:8

Kheakü aningkhi Jehoiakim rhimobo, tüsho apinü athraneanbe rhimokhibo, tüsho api kheak azhihkhibo, Israel tüsho Juda kiulongthsürübo hüm ching thrüta lah; tüsho api tsührü Jehoiakinnü api müthri.

JOB HU H T ANYU 31:7

I jingdükü limro chingnü anguh-a lasho, tüsho I mulongnü I mük yana lasho, tüsho I khahbo müneana lasho;

MUNGSHIKHÜN 10:3

Tümüde mihbukmuyuknü api mulong künkhi ching kükheangchoh; yihnelune mihtsürünü Thrünpuh athruchoh tüsho bahyukchoh.

ABEKHIT 18:21

Kheaküshe nünü mihtsürü alala lungnü athsükhuk mihtsürü–Thrünpüh trerü, thiyuro mihtsürü, yihnelune mülarü mokhitang; tüsho arübo ju chithürübo, chibo, thünimbo tüsho thürübo kurungkheak yakzanshuhrübo thsüshang.

MÜCHITMUDU 24:2

tümüde arü mulongnü athsümünim asahchoh, tüsho arü münbonü amütsü thachoh.

ISAIA 56:11

Arübo bukmükhüt yihnubo ah; arü küyimkishe suhdahdo de müla. Mihnu neakrübo she anikhitkhi müla; arü alala nihbuh limro ching arü nihbuh alü thsüpü, alala tsodo.

JEREMIA 17:11

Patridge wuhnunü mühüpkhitde püpürü jipjipbo bemukhungkhi nangde thiyuro mülakhi lakhit hanmukhungrü ju ruk ah; api rhangdung murochoki anihbuh lakhitbo dükheakbah, tüsho akheam ching api makhakhi mütsanbah.

JEREMIA 19:4

tümütüsho mihtsürübonü I bahyuk, tüsho arü le jipürü yungsho Juda kiulongthsürübonü mümükheahkhi püpü thrünpuhbo ha ching kingaünkhinü ha dangpung müneanjih; tüsho arünü ha dangpung ching amülimmülarü thiyihnü mishih,

JEREMIA 22:3

Atungpuhnü ha thachoh: Thiyuro tüsho thiyurolungkinü rhimoang, tüsho rükyuka larü ajunorü khah chingnü bekhitang. Tüsho amülim düthsü, yungsho khiungkerü, mürerü, tüsho khimoberü ki athsümünim düla, yungsho ha dangpung ching amülim mülarü thiyih dübuk.

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

JEREMIA 6:6

Tümüde Wuto Atungpuhnü ha thachoh: Anihbe sangdungbo kiushakang; Jirusalem azhihde ayanpü tankihang. Ha athsümüchipü lakhi kiuto lah; ju ching tümü müla tüshe anihbe kheak junokhi lah.

JEREMIA 7:6

nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

EZEKIEL 18:12

Apinü zhochihrü tüsho müthsümülarü junochoh. Apinü jangkhijangra rhimochoh. Apinü thiyuchihchimde alukhi müjihlo, apinü sangthsübo kilim kheahchoh. Apinü athraneanbebo rhimochoh.

EZEKIEL 19:6

Apinü kekhüzü bolung jimchoh, tümüde api kheakü kekhüzü athunu lakheah. Apinü shih rampü mükheah tüsho apinü mihtsürü tsüh.

EZEKIEL 19:7

Apinü arü chipibo yihkheam tüsho arü kiutobo thsümünim. Lomi tüsho ju ching larü alalanü api arungkhi sobah müyinsah.

EZEKIEL 19:9

Arünü khoyangnü api thoa lubah chirhang ching yuk tüsho Babilon kiulongthsüpuh kilim api bedarü. Arünü api rihyam ching yuk, jumonü api arungkhi Israel müzüngbo kheak musodebah. @1- L I N E- SP AC E=

EZEKIEL 22:6

Israel limberü alalanü nihbuh sühmüh ching kinchoh tüsho laksahdo.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

MIKA 2:2

Arünü thulubo lunechoh, tüsho jurübo jangkhichoh; thüyambo she lude tsochoh; arünü thüyam putungrü tüsho thüyam, mihtsürü tüsho arü yamrüplurüp junochoh.

MIKA 3:10

sherünü thiyih bukkhinü Zion thsücho tüsho amülimnü Jirusalem thsücho!

ZEPHANIA 3:3

Ju ching atorübo ju ahukkhi kekhüzübo lah; mahkhaprübo ju are tsahbe rimrebo, junangde yapsu khiungde tümü maningshih.

ROMRÜ KILIM PAULNÜ ATHRÜTKHI KIHÜM HUHTANYU 1:29

Arü ju mihbukmuyuk, amütsü, yihnelune, lungchihpünü mide kam. Mükthsü, mihlaksah, rukachih, mülapmüji, mükzahlungzah, jipjiprara,

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

JIHUSUA 7:21

Isanü ayankhikhi kukruk bolung thsünü akheahakham Babilon shulünkhim ching kheahshe, shotoyinchi khahngak 2, tüsho suna yinchibo khahngak 1 bande mürühde angümonü inü ludo. Jurübo I yo khimyam alunglim shotoyinchinü khimbah kiua ramlah.”

2 PETER 2:14

Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah!

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

1 SAMUEL 8:3

Tütüshe atsührübonü api ru müyan, tüshe alü thsüpü lim anguhabah; arünü buknim lu tüsho thiyuro thsungphülap.