JEREMIA 22:15 - AMÜSÜH HÜM CL Bible (BSI)

¹⁵ Cedarnü thüyambo thsümonü nü kiulongthsürü kamshihcho de? Nü buhnü atsühkhi tüsho ayungkhi yung de tüsho thiyuro tüsho thiyuro-lungki mürhimokhea de? Junangde api kheak alala tsüde alakheah.

JEREMIA 22:15 Iomraidhean Croise

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

2 KIULONG THSÜRÜ 22:2

Apinü Atungpuh miki alungki rhimo, tüsho abuh David limro alala ching tsah; apinü tsülim yungsho huzulim manguh.

2 KIULONG THSÜRÜ 23:25

Mosa yakzan ching lakhi nangde, api mulong athrünkhinü, me athrünkhinü, sulüm athrünkhinü Atungpuh kilim rholokhi nangde api müngüh kiulongthsürü sheshe api ruk mülakheah; yungsho api dunglim sheshe api ruk masürü.

1 KIUTHSÜYUKHEAN 3:15

Josia tsührübo: adüjibuh Johanan, mahnepü Jehoiakim, asampü Zedekia, aphüyipü Shallum.

2 KIUTHSÜYUKHEAN 34:2

Apinü Atungpuh miki alungki rhimo, tüsho anihbuh jipürü David limrobo ching tsah; apinü tsülim yungsho huzulim manguh.

2 KIUTHSÜYUKHEAN 35:22

Tüshe Josianü api kheaknü rholode mutso tüshe api bede keochihpü anihbuh jak müthria lu. Apinü Thrünpuh yukhüm Neko yubo mani, tüshe Megiddo dükhün ching thirithsüpü arü.

2 KIUTHSÜYUKHEAN 35:26

Kheakü aningkhi Josia rhimobo Atungpuh yakzan ching thrütkhi yande apinü thülünde arhimokhibo,

MÜCHITMUDU 20:28

Mihmüthsüm tüsho thiyuronü kiulongthsüpuh küma lashihchoh, tüsho amuzhokhinü apinü anihbuh kiulongthsü-binkiu tholobah lachoh.

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

MÜCHITMUDU 25:5

kiulongthsürü mikinü mihbukmuyuk bede tsoang, tüsho api kiulongthsü-binkiu thiyuro-lungki ching labah.

MÜCHITMUDU 29:4

Kiulongthsürünü thiyuro hode alomi düküngshihchoh, tüshe shepünü buknimbo leangkhichonü ju thokheamchoh.

MÜCHITMUDU 31:9

Nü mün khimshuhang, thiyuro-lungkinü mahkhapang, tüsho zhochihrü le müthsümülarü alim tsungdojang.”

T H S AN GYU T H S AN GR ARÜ 10:17

Nü asühpü, O alomi, küyimki nü kiulongthsürü ju mükheahmudurü thsüba, tüsho nü limberünü kim dükdü ching aniojiba–sühmüh thsungkheaknü tüsho müshangmuru thsungkheak yung!

T H S AN GYU T H S AN GR ARÜ 2:24

Mihtsürübo thsungkheaknü atsühpü tüsho ayungpü, tüsho arü rhimokhi ching asühachihkhi kheak hode tümü atsübe müla. Ha she Thrünpuh khah chingnü ah de inü ngü;

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

ISAIA 33:16

arübo achangbo kheak labah; arü tsoyukpung ju lung-chipi labah; arü tsühyungpü ahiuhbah, arü ke yungpü ngübah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 22:18

Jumonü Jehoiakim tsührü, Juda kiulongthsüpuh Josia dünkheak Atungpuhnü ha thachoh: Arünü api thsungkheak ha ruk thade mütüzho, “Aha, akhiung!” yungsho “Aha, achi!” Arünü api thsungkheak ha ruk thade mütüzho, “Aha, Atungpuh !” yungsho “Aha, api wüntre-müretah!”

JEREMIA 22:3

Atungpuhnü ha thachoh: Thiyuro tüsho thiyurolungkinü rhimoang, tüsho rükyuka larü ajunorü khah chingnü bekhitang. Tüsho amülim düthsü, yungsho khiungkerü, mürerü, tüsho khimoberü ki athsümünim düla, yungsho ha dangpung ching amülim mülarü thiyih dübuk.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 42:6

Atsü yungsho amütsü thsüthsü, isanü shepü kilim nü yüshihchonü Atungpuh yu isanü anibah, ju yande isanü Atungpuh isa Thrünpuh yu anichoki isa tsüde ayübah.”

JEREMIA 7:5

Tümüde nüsanü atsütsünü nüsa limro tüsho rhimobo thsülangsho, nüsanü khülangnü khülang ki thiyuronü rhimosho,

LUKNÜ ATHRÜTKHI THIYUSHEAK-ATSÜ HUHTANYU 11:41

Tüshe nüsa pung le phuru ching lakhi ju zhochihrü kilim jihang; jushu nüsa thsungkheak alala amüsüh labah.

YUNIRÜBO RHIMO 2:46

Tüsho nimung aban arüngyam ching rukhüh mukhungde tüsho arü yambo ching yikhap yihnakde, arünü mulong asühde tsühyungbe tsüh,

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

YUZÜNGTHALO 4:40

Jumonü nüsanü api yakzanbo tüsho yuzüngbo inü khihni jihkhi aniang, junangde nüsa dunglim tsührübo kheak tsüde alabah, tüsho Atungpuh nüsa Thrünpuhnü lün thsungkheak jihkhi lo ching nüsa kutsüpde alabah.”