JEREMIA 22:13 - AMÜSÜH HÜM CL Bible (BSI)

¹³ Shepünü thiyuro mülade anihbuh yam thsücho tüsho thiyuro müthade anihbuh khiungshak akube thsücho; shepünü anihbuh yamhingrü tümü mülakhi thsungkheak rhimoshihcho, tüsho arü mihkhahbo müjihchonü are;

JEREMIA 22:13 Iomraidhean Croise

2 KIUTHSÜYUKHEAN 36:4

Ijip kiulongthsüpuhnü aniurü Eliakim Juda tüsho Jirusalem kurungkheak kiulongthsürü kamshih, tüsho api mung Jehoiakim de müthrijih; tüshe Nekonü akhiung Jehoahaz bea lu tüsho Ijip ching bede yü.

2 KIUTHSÜYUKHEAN 36:5

Jehoiakim kiulongthsüpü tankihchoki kam 25 azorü lakheah; apinü Jirusalem ching kam thürükheak khülang kiulongthsü. Apinü A TUN GPU H anihbuh Thrünpuh miki amütsü rhimo.

JOB HU H T ANYU 31:39

ju ching akhiukkhi inü amo müjihde tsüh-a lasho, tüsho atungrü sheshih-a lasho;

ISAIA 5:8

Nüsa shepünü thüyam kheaknü thüyam müchinkihcho, shepünü thulu kheaknü thulu lukihchonü are, she thsungkheak she khiungshak mülakhi khiungde tüshe nü lang, tüsho nü alomi bolung ching nü langzü lapü aninga lah!

JEREMIA 17:11

Patridge wuhnunü mühüpkhitde püpürü jipjipbo bemukhungkhi nangde thiyuro mülakhi lakhit hanmukhungrü ju ruk ah; api rhangdung murochoki anihbuh lakhitbo dükheakbah, tüsho akheam ching api makhakhi mütsanbah.

JEREMIA 22:18

Jumonü Jehoiakim tsührü, Juda kiulongthsüpuh Josia dünkheak Atungpuhnü ha thachoh: Arünü api thsungkheak ha ruk thade mütüzho, “Aha, akhiung!” yungsho “Aha, achi!” Arünü api thsungkheak ha ruk thade mütüzho, “Aha, Atungpuh !” yungsho “Aha, api wüntre-müretah!”

LEVI 19:13

Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo.

MIKA 3:10

sherünü thiyih bukkhinü Zion thsücho tüsho amülimnü Jirusalem thsücho!

HABAKKUK 2:12

“ Nüsa sherünü thiyih bukkhinü kiulongto thsücho, tüsho amülimkhinü kiuto thrünchonü are!”

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

YUZÜNGTHALO 15:13

Tüsho küyimki nünü api dükhea zuzu thsüde atsoshihbanü nünü api khahkeang dütsoshih;

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.