JEREMIA 21:14 - AMÜSÜH HÜM CL Bible (BSI)

¹⁴ Nüsanü rhimokhi sangaso nangde inü nüsa thsümüchibah, Atungpuhnü thachoh; inü ha murung ching mo takkihbah, tüsho ju mükamde alala aniuabahbah.

JEREMIA 21:14 Iomraidhean Croise

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 12:14

Mihtsürü khülang ju nihbuh mün sangaso atsünü reangkeambah, tüsho api khah rhimonü anihbuh thsambah ngübah.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 10:16

Jumonü Wuto Atungpuhnü athrih tukthsü adüküng thirithsürübo kilim yüshihbah, tüsho api müretahkhi bukkhüp mo takkhi nangde atakpü takkihbah.

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

ISAIA 37:24

Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

JEREMIA 11:16

Atungpuhnü khülang ki nüsa ki, “Aphüyak oliv sangdung aso tsüde asokhi” de jido tüshe tsüngmuk nangde arungde apinü mo thsahkihbah, tüsho akhahbo aniuabahbah.

JEREMIA 11:22

jumonü Wuto Atungpuhnü ha thachoh: Inü arü thsümüchipü lah; athunu mihtsürübo nukshangnü ashebah; arü tsührübo tüsho arü tsührübebo khümzungnü ashebah;

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 17:27

Tüshe nüsanü amunimung müsühde azopü tüsho amunimung Jirusalem chipiripitbo ching hah mühanyukpü I ki manisho, ha chipiripitbo ching inü mo takkihbah; hanü Jirusalem dangpung aniuabahbah tüsho shenü müzünmütkhuk.

JEREMIA 22:1

Atungpuhnü ha thachoh: Juda kiulongthsüpuh yamkhün ching yükiang, tüsho ju ching ha yu asukang,

JEREMIA 22:7

Inü nü azhihde thsümünimrü, arü alala thsühnuk shuhbahle tsanglungbah; arünü nü yo amokhitkhi cedarbo kiushakbah tüsho mo ching jipyukbah.

JEREMIA 32:19

lümthiyan ching ato tüsho rhimo ching wuto; tümüde arü limro alala tüsho arü rhimokhi sangaso yande thsambah jihpü mihtsürü limro alala lim nü mükbo khimshuhlah.

JEREMIA 46:23

Arünü anihbe murung muhokhukbe lalashe akiukheambah, Atungpuhnü thachoh, tümütüsho arübo tangkhobo kheaknü khide hihdaklah; arübo mükhebin.

JEREMIA 50:32

Akükheangbuh jing mükhebah tüsho alungbah, shenü api müyihmusu tüsho inü api kiutobo ching mo takkihbah, tüsho api mühide alala inü aniukhambah.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

JEREMIA 6:29

Moyünbe müshakde yünchoh, yinchikhihbo monü aniuabahchoh, tümüde mihbukmuyukbo yihkhita mübah.

JEREMIA 9:25

Atungpuhnü thachoh, küp lang tsütabahrü alala inü athsümüchipü nimung tsükjide arado:

TÜZHOKHI 2:3

Apinü müshakde bukakhiukkhi chingnü Israel sühmüh alala lipkhido; apinü thiriri mikinü akhah tsülim arü kheaknü tuklodo; apinü Jakob azhihde amühi alala aniuabahde takdo.

EZEKIEL 21:3

tüsho anihbe ki thaang: Atungpuhnü ha thachoh: Inü nü azhihde lah. Inü nuktrüp chingnü nukshang dukkhitbah tüsho nü kheaknü thiyuro lakhi tüsho mihbukmuyuk chido lipkhibah.

MIKA 7:13

Tüshe ju ching larü rhimo sangasobo dünkheaknü alomi zhikrangkhündo alabah.

ZEKARIA 11:1

Nü ripitbo khimshuhang, O Lebanon, junangde monü nü yo cedarbo aniubah!