JEREMIA 21:13 - AMÜSÜH HÜM CL Bible (BSI)

¹³ Kheahang, inü nüsa azhihchoh, O jindükhün ching larübo, O adükhün lungto, Atungpuhnü thachoh; nüsa sherünü tha, “Shenü isa azhihde akikhukpü, yungsho shenü isa jikpung azahkhukpü?”

JEREMIA 21:13 Iomraidhean Croise

MUNGSHIKHÜN 125:2

Müzüngbonü Jirusalem mükamdokhi nangde, ha kimnü rünbah lünnü Atungpuhnü api mihtsürü mükamdobah.

ABEKHIT 13:20

Jumonü arünü Sukkoth chingnü tsahmusu tüsho sunglo yean Etham ching binkheam.

ABEKHIT 13:8

Tüsho ju nimung nünü nü tsührü ki thabah, ‘I Ijip chingnü akhiukchoki Atungpuhnü I thsungkheak rhimokhi dünkheak ha rhimochoh.’

ISAIA 22:1

Jindükhün michih dünkheak müchityu. Nüsa alala, thüyam kumung wutukhi ha tümü a,

JEREMIA 17:3

mükeak ching awungbo kheak. Nüsa lomi alala ching nüsa lakhit tüsho rahpungbo nüsa neak dün nüsa riribonü alushihbah.

JEREMIA 21:5

Inü she nüsa azhihde khah ato chungkhitbah, bukakhiukde, mulong zhipzhipde, tüsho bukmükede keochihbah.

JEREMIA 49:16

Nünü bukmükekhi tüsho nü mulong kükheangkhinü nü mülapyukdo, nü shepü lungkubo ching lacho, shepü awung achang ramrihla. Nünü müleang nangde changde sap shushu she, ju chingnü inü nü thokhibah, Atungpuhnü thachoh.

JEREMIA 50:31

Inü nü azhihlah, O kükheangküyangbuh, Wuto Atungpuh Thrünpuhnü thachoh; tümüde nü nimung, inü nü thsümüchipü kim arüdo.

JEREMIA 51:25

Inü nü azhihde lah, O athsümünimrü wung, Atungpuhnü thachoh, küpü hode alomi abümnü thsümünimcho; inü nü azhihde I khah chungkihbah, tüsho inü nü lungku chingnü lungde yükishihbah, tüsho takabahkhi wung kamshihbah.

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

TÜZHOKHI 4:12

Alomi kiulongthsürübonü yungsho alomiküp ching larü shenü she Jirusalem chipiripitbo ching thiriri yüzahkhukbah de mükin.

EZEKIEL 13:8

Jumonü Wuto Atungpuhnü ha thachoh: Nüsa amülim yubo tüsho akeangyu michihbo hode, inü nüsa azhihchoh, Wuto Atungpuhnü thachoh.

EZEKIEL 21:3

tüsho anihbe ki thaang: Atungpuhnü ha thachoh: Inü nü azhihde lah. Inü nuktrüp chingnü nukshang dukkhitbah tüsho nü kheaknü thiyuro lakhi tüsho mihbukmuyuk chido lipkhibah.

EZEKIEL 34:10

Atungpuh Thrünpuhnü ha thachoh, Inü namfimihnu neakrübo azhihde lah; tüsho inü I yo namfimihnubo arü khah chingnü akheangbah, tüsho arü namfimihnu yimkipkhi chingnü tukloshihbah; namfimihnu neakrünü kheaküa mütsüh. Inü arü mün chingnü I yo namfimihnubo khümkhitbah, junangde arübo ju arü thsungkheak jim müthsü.

EZEKIEL 5:8

Jumonü Wuto Atungpuhnü ha thachoh: Jirusalem, inü I küdah thsüde nü azhihchoh, tüsho trükshihbo mikinü inü nü mahkhapbah.

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

NAHUM 2:13

Kheahang, inü nü azhihde lah, Wuto Atungpuhnü thachoh, tüsho inü nü khora-lolungbebo mokhüh alükde atakbah, tüsho nukshangnü nü yo kekhüzü nunubo muyubah; inü nü shih alomi chingnü akheamshihbah, tüsho nü yunithsürü düsheak musolo.