JEREMIA 21:12 - AMÜSÜH HÜM CL Bible (BSI)

¹² O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 21:12 Iomraidhean Croise

2 SAMUEL 8:15

Jumonü Israel alala kurungkheak Davidnü kiulongthsü; tüsho Davidnü thiyuro tüsho alungkinü api mihtsürü alala ki rhimo.

JOB HU H T ANYU 29:17

Inü mihbukmuyuk shihtsüh-hü lakkhijih, tüsho arünü nguhkih-a lakhi yankhijih.

MUNGSHIKHÜN 101:8

Lomi ching mihbukmuyuk alala inü nahde athsümünimbah, junangde inü amütsü rhimorü alala Atungpuh kiuto chingnü adükheakshihbah.

ABEKHIT 18:13

Ashidopü Mosanü mihtsürübo mahkhappü bin; tüsho mihtsürübonü Mosa miki yapsunü arelim khiungde zhip.

ISAIA 1:17

atsü rhimopü anikhitang; thiyuro yimang, junoa larü bekhitang, mürerü tsungloang, khimoberü thsungkheak mushujang.

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

ISAIA 7:13

Judüki Isaia nü tha: “ Kheakü aniang, O David yamkhün! Nü thsungkheaknü mihtsürü khikhi khide ninilah de, nünü I Thrünpuh she keaksahshihba de?

ISAIA 7:2

Küyimki Sirianü Ephraim kheak arihkhi David yamkhünnü asokhea, Ahaz tüsho api mihtsürü mulong ju murung ching sangdungbo apungnü ayünkhi nangde ajan.

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 21:5

Inü she nüsa azhihde khah ato chungkhitbah, bukakhiukde, mulong zhipzhipde, tüsho bukmükede keochihbah.

JEREMIA 23:19

Kheahang, Atungpuh tsüngpungtsüngpung! Bukakhiukkhi tsodo, chitmühean khülang; ha mihbukmuyuk ku kheak keamkihbah.

JEREMIA 23:2

Jumonü Atungpuh Israel Thrünpuhnü, I mihtsürü kümrü yakzanshuhrübo dünkheak ha thachoh: Nüsanü I mihtsürübo müküm; nüsanü arübo yanmüzüt tüsho yana tsoshihdo. Jumonü nüsa rhimo amütsü thsungkheak inü nüsa thsümüchibah. Atungpuhnü thachoh.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 36:7

Khükia arünü mushukhi Atungpuh miki arübah, tüsho arü alala arü amütsü limrobo chingnü rholobah, tümüde ato ju Atungpuhnü ha mihtsürü azhihde athakhi bukakhiukkhi tüsho mulong zhipzhip lah.”

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 5:14

Jumonü Atungpuh Wuto Thrünpuhnü ha thachoh: Tümütüsho arünü ha yu asuk, inü kheakü I yu nüsa mün ching mo, tüsho ha mihtsürü ju sang kamshihchoh, tüsho monü arü aniuabahbah.

JEREMIA 5:28

arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

JEREMIA 7:5

Tümüde nüsanü atsütsünü nüsa limro tüsho rhimobo thsülangsho, nüsanü khülangnü khülang ki thiyuronü rhimosho,

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

LUKNÜ ATHRÜTKHI THIYUSHEAK-ATSÜ HUHTANYU 1:69

tüsho api yamlarü David yam ching apinü isa thsungkheak akhümkhit juh shuhkih,

ROMRÜ KILIM PAULNÜ ATHRÜTKHI KIHÜM HUHTANYU 13:4

tümüde api ju nü tsüpü thsungkheak Thrünpuh yamlarü ah. Tüshe nünü amülim rhimosho, trede laang, tümüde apinü nukshang ju akeangkeang ching mühanchoh; api ju amülim rhimorü kheak bukakhiuk rhimopü Thrünpuh yamlarü ah.

YUZÜNGTHALO 32:22

Tümüde I bukakhiukkhinü mo takkihdo, tüsho ju Ashe-lomi khiungde takchoh, alomi tüsho lüpdükhi aniuabahchoh, tüsho müzüngbo jing kheak mo thsahkihchoh. @SP ACE=