JEREMIA 21:10 - AMÜSÜH HÜM CL Bible (BSI)

¹⁰ Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 21:10 Iomraidhean Croise

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

MUNGSHIKHÜN 34:16

Atungpuh miro ju alomi ching arü mülümkhitde akampü amütsü rhimorü azhihde lah.

JEREMIA 17:27

Tüshe nüsanü amunimung müsühde azopü tüsho amunimung Jirusalem chipiripitbo ching hah mühanyukpü I ki manisho, ha chipiripitbo ching inü mo takkihbah; hanü Jirusalem dangpung aniuabahbah tüsho shenü müzünmütkhuk.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 33:5

Kaldearübo keochihpü arüchoh tüsho I bukakhiukde alaksahkhi ashemibonü arü mibah, tümüde arü mihbukmuyuk hode ha kiuto chingnü I miro jikabahdo.

JEREMIA 34:2

Atungpuh Israel Thrünpuhnü ha thachoh: Yüang tüsho Juda kiulongthsüpuh Zedekia ki asukachihang tüsho api ki thaang: Atungpuhnü ha thachoh: Inü ha kiuto Babilon kiulongthsüpuh khah ching jihbah, tüsho apinü ha monü atakbah.

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 38:17

Judüki Jeremianü Zedekia ki tha, “Atungpuh , Wuto Thrünpuh, Israel Thrünpuhnü ha thachoh, Nünü lang Babilon kiulongthsüpuh atorü ki shuhmülanga jihsho, nü rhangdung labah, tüsho ha kiuto monü mütak, tüsho nü le nü yamkhün rhangdung labah.

JEREMIA 38:18

Tüshe nünü Babilon kiulongthsüpuh torü ki shuhmülanga müjihsho, ha kiuto Kaldearü kilim jihbah, tüsho arünü monü atakbah, tüsho nü she arü khah chingnü mutsokhi.”

JEREMIA 38:23

Nü niubebo alala tüsho nü tsührübo Kaldearü kilim bede wukhiukbah, tüsho nü she arü khah chingnü mutsokhi, tüshe Babilon kiulongthsüpuhnü arambah; tüsho ha kiuto monü atakbah.”

JEREMIA 38:3

Atungpuhnü ha thachoh, Tsükjide ha kiuto Babilon kiulongthsüpuh bonungrü khah ching jihbah tüsho alubah.

JEREMIA 39:16

Ethiopiarü Ebedmelek kilim yüang tüsho thaang: Wuto Atungpuh , Israel Thrünpuhnü ha thachoh: Inü ha kiuto azhihde amütsü thakhi dünjipü lah tüsho atsü thsungkheak yung, tüsho ju nimung nü lade adünjibah.

JEREMIA 39:8

Kaldearünü kiulongthsüpuh yam tüsho mihtsürübo yam tak tüsho Jirusalem chipi yihmülünjih.

JEREMIA 44:11

Jumonü Wuto Atungpuh , Israel Thrünpuhnü ha thachoh: Inü Juda alala kheamshihpü, nüsa kheak thsümütsü handarüpü lümkihlah.

JEREMIA 44:27

Inü arü kurungkheak athsümünimpü kheahbah tüsho atsü thsungkheak yung; Ijip ching lakhi Juda mihtsürü alala nukshang tüsho khümzungnü, khülang she maningyi khiungde dükheakshihbah.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

EZEKIEL 15:7

Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah.

EZEKIEL 24:11

Mokhih kheak ju akeangkeang phüh duboang, junangde ha takde akambah, shotolung lamlam kamchoh, ju ching aneak niuchoh, thrungbo tsühabahchoh.

LEVI 17:10

Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

AMOS 2:5

Jumonü inü Juda kheak mo khülang yüshihbah, tüsho junü Jirusalem chipi aniubah.

AMOS 9:4

Tüsho arünü ramtso ching arü riri miki yüyü she, ju ching inü nukshang ki thiyukhüm jihbah, tüsho junü arü laksahbah; tüsho inü arü kheak athsümünim thsungkheaknü I mükbo kheahkihbah tüsho atsü thsungkheak yung.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”