JEREMIA 20:8 - AMÜSÜH HÜM CL Bible (BSI)

⁸ Tümüde küyimki inü asukkheanü, inü zhikhit, inü zhi, “ Khahleakleak tüsho athsümünim!” Tümüde I thsungkheaknü Atungpuh yu nimung amuyung mükhemükim tüsho keangrümüne kamdo.

JEREMIA 20:8 Iomraidhean Croise

2 KIULONG THSÜRÜ 2:23

Ju chingnü api Bethel ching wutu; tüsho api limro ching yüde alachoki, athrürü nunubo khürü kiuto chingnü akhiukbah api ki münejihde tha, “Tsoabahang, kurakrak! Tsoabahang, kurakrak!”

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

ISAIA 57:4

She kheak nüsanü keangrücho? She kheak azhihde nüsa mün mülihde khimshuhcho tüsho nüsa mulo chungkhitcho? Nüsa alakmihrü tsührü, akeangyu tharü tsührübo yung de–

JEREMIA 15:10

I are aba, nünü I zübea lah, lomi ching mihtsürü ki inü rukachihde tüsho atsangachihde lah. Inü sho tümü müzüng yungsho münip, tütüshe alalanü I athruchoh.

JEREMIA 15:15

O Atungpuh nünü mükheahlah; I lümkhitang tüsho rhuakheahang, tüsho I thsümüchirü kheak I royimpü hande akijang. Nü arümkheamkhi ching I hande dütsoshih; nü dünkheaknü I mükhemükim ludo de mükheahjang.

JEREMIA 17:27

Tüshe nüsanü amunimung müsühde azopü tüsho amunimung Jirusalem chipiripitbo ching hah mühanyukpü I ki manisho, ha chipiripitbo ching inü mo takkihbah; hanü Jirusalem dangpung aniuabahbah tüsho shenü müzünmütkhuk.

JEREMIA 20:7

O Atungpuh , nünü I mülapyukdo tüsho I mülapyuka lakheah, nünü I zhihodo tüsho nünü kukdo. I nimung amuyung münedung kamdo; alalanü I ki münejihchoh.

JEREMIA 28:8

Jipü kim chingnü wukihrübonü I tüsho nü müngüh, lomi ahihdo tüsho kiulongthsü atobo azhihde thirithsü, khümzung tüsho arüm-tukthsü müchit.

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

JEREMIA 6:10

She kheak inü asukba tüsho düh de athaba, junangde arünü asoba? Kheahang, arü nükhünbo müyeahshung, arünü manikhuk. Atungpuh yu ju arü ki münedung lah; arünü ju ching asühako müla.

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

HABAKKUK 1:3

Tümüde nünü I amülim rhimo ngüshihcho tüsho küpkhuk kheak kheahshihcho? Athsümünim tüsho thsünimthsüshi I miki lah; shochihkhi tüsho rukachihkhi wusuchoh.

LUKNÜ ATHRÜTKHI THIYUSHEAK-ATSÜ HUHTANYU 11:45

Judüki mahkhaprü khülangnü api ki alo tüsho tha, “Thsangyurü, harü thakhinü she nünü isa mükhemükimchoh.”

IBRI 11:26

Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.