JEREMIA 20:6 - AMÜSÜH HÜM CL Bible (BSI)

⁶ Tüsho nü, Pashhur, tüsho nü yam ching larü alala, rama hanbah atsobah, tüsho nü Babilon ching yübah; nü ju ching shebah tüsho nü le nünü sherü kheak akeangyu müchitkheanü nü müyamrü alala ju ching kiuyuka bahbah.

JEREMIA 20:6 Iomraidhean Croise

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

JEREMIA 14:13

Judüki inü tha: “Ah, Atungpuh T H RÜ NPU H ! Ha ching wukihrübonü arü ki thachoh, ‘ Nüsanü nukshang müngü, yungsho nüsa khümzung müla, tüshe ha dangpung thiyuro mungtsü inü nüsa kilim jihbah.’ ”

JEREMIA 14:16

Tüsho arünü sherü mihtsürü ki müchitkheanü, khümzung tüsho nukshangnü ashekhi hode Jirusalem wungdo phulung ching jipa bahbah. Arü kiuyuka bahrü she mülade alabah–arü, arü niuberübo, arü tsührü, tüsho tsührübebo. Arü mihbukmuyuk inü arü kheak dungkihbah.

JEREMIA 20:1

Kheakü Immer tsührü amükeambuh Pashhur, shepü Atungpuh yam ching atobuh lakhea, Jeremianü harü müchitkhibo so.

JEREMIA 20:4

Tümüde Atungpuhnü ha thachoh: Inü nü tüsho nü müyamrü alala ki nü atrebe kamshihchoh; tüsho nünü kheahde alachoki arübo arü riri nukshangnü akeambah. Tüsho inü Juda alala Babilon kiulongthsüpuh khah ching jihbah; apinü arübo rama lubah Babilon ching tsobah, tüsho nukshangnü arü laksahbah.

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

JEREMIA 29:32

jumonü Atungpuhnü ha thachoh: Inü Nehelamrü Shemaia tüsho api tsühsoniusobo thsümüchipü thsüchoh; inü I mihtsürü ki atsü rhimopü lakhi kheahpü thsüde ha mihtsürü bolung api a sheshe alapü yung, Atungpuhnü thachoh, tümüde apinü Atungpuh azhihde asukdo.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

EZEKIEL 22:28

Wukihrübonü arü thsung thsüde amüyenü mujudo, arükchih michih ngüde tüsho arü thsungkheak Atungpuhnü müthakhi akeangyu müchitde thachoh, “Atungpuh Thrünpuhnü ha thachoh.”

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

ZEKARIA 13:3

Tüsho mürangkhüh wukihrü khürü akhiuksho, arü abuh tüsho arü zübekhi berübonü athabah, “ Nü ashebah, tümüde nünü Atungpuh mung ching akeangyu asukchoh;” tüsho arü züberü arü abuh tüsho berübonü arünü müchitchoki arü chinkhitshihbah.

YUZÜNGTHALO 28:25

“Atungpuhnü nüsa riri kilim nüsa kurungkheak akuk ngüshihbah; nüsanü arü azhihde limbeakkhühnü awukhiukbah tüsho arü müngüh limbeak thüne chingnü alihde atsobah; tüsho nüsa ju kiulongthsü alala ki mihtrebe kambah.