JEREMIA 20:18 - AMÜSÜH HÜM CL Bible (BSI)

¹⁸ Küpkhuk tüsho mulong rozhak kheahpü tüsho I nimungbo achihpü ching kheampü tümü thsüpü I nuyam chingnü arükhea?

JEREMIA 20:18 Iomraidhean Croise

1 KIULONG THSÜRÜ 19:4

Tüshe api a nimung khülang hantsahde sunglo ching yü, tüsho arübahle sunglo phütdungsang khüp bin. Api ashebah de apinü keokhi: “Ha suhdahdo; O Atungpuh , kheakü I rhangdung lubah tsoang, tümüde I a isa jipürü kheaknü atsü yung.”

JOB HU H T ANYU 14:1

Aliberünü azübekhi mihtsürü, nimung nüklah tüsho küpkhuknü milah,

JOB HU H T ANYU 14:13

O nünü I Ashe-lomi ching jikshihkhülaa, nü bukakhiukkhi muhoyi khiungde nünü I jikshihkhülaa, junangde I lümkhitpü nünü kim akhukhitkhülaa!

JOB HU H T ANYU 3:20

Tümüde küpkhuk ching larü kilim ayin jihkhea, tüsho me ching khühde larü kilim rhangdung jihkhea,

JOB HU H T ANYU 5:7

tüshe mihtsürübo modübin achanglim phinde yükihkhi nangde küpkhukpü zübea lah.

MUNGSHIKHÜN 102:3

Tümüde I nimungbo mokhüh nangde kheamabahchoh, tüsho I robo mokin nangde aniuchoh.

MUNGSHIKHÜN 69:19

Nünü I mükhemükim, I achih, tüsho I wüntre müjihkhi mükheahlah; I azhihrübo alala nü miki lah.

ISAIA 1:6

Jinglung chingnü, thangphülang khiungde, ju ching atsü müla, tüshe areakbo le mübo tüsho mübo thiyihkhi lah; jurübo mümüsühabah yungsho mürüm, yungsho müdangke mumujude lah.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

JEREMIA 15:10

I are aba, nünü I zübea lah, lomi ching mihtsürü ki inü rukachihde tüsho atsangachihde lah. Inü sho tümü müzüng yungsho münip, tütüshe alalanü I athruchoh.

JEREMIA 15:18

Tümüde I thsünükhi mükheam le, I mü müngu le, athsüngupü thsunglocho? Tsükjide, nü a I ki mülapyukkhi keyung nangde, buksapke ngahkhi nangde lah.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 8:18

I mulong rozhak müthsüngukhuk, I mulong ching sheshichoh.

TÜZHOKHI 1:12

Nüsa I tsahhorübo alala, nüsa ki tümü müla de? Mürüngang tüsho kheahang, mulong rozhakkhi khürü I nangde la shi, küpü I kheak hande arükhea, küpü Atungpuhnü api bukakhiuk nimung I thsümüchikhea.

TÜZHOKHI 3:1

Thrünpuh bukakhiukkhi tsonü thsünükhi ngübuh I ah;

HABAKKUK 1:3

Tümüde nünü I amülim rhimo ngüshihcho tüsho küpkhuk kheak kheahshihcho? Athsümünim tüsho thsünimthsüshi I miki lah; shochihkhi tüsho rukachihkhi wusuchoh.

JOHAN 16:20

Atsütsü inü nüsa ki thachoh, nüsa atripbah tüsho atüzhobah, tüshe alomi a asühachihbah; nüsa mulong rozhakbah, tüshe nüsa mulong rozhak ju asühachihpü ching müthribah.

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

2 TIMOTHI 1:12

jumonü harü dünkheaknü I thsünüchoh tüshe inü machih tümüde shepü kheak inü akinkheanü inü mükheahlah, tüsho api ki thiyikhi nimung khiungde apinü aheangpü kukbah de inü mütsanlah.

IBRI 10:36

Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah.

IBRI 11:36

Püpübo kheah-a münejih tüsho rhap, tüsho rihyam ching rhüka yukde thsünü.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

IBRI 13:13

Jumonü isanü binpung aleanglim api kilim yüanü, tüsho apinü arümkheamkhi mungchih hananü.