JEREMIA 20:10 - AMÜSÜH HÜM CL Bible (BSI)

¹⁰ Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 20:10 Iomraidhean Croise

1 KIULONG THSÜRÜ 19:2

Judüki Jezebelnü Elija kilim thiyusheak yüshihde tha, “Mürangkhüh shido ha kim ching arü rhangdung nangde inü mürhimoa lasho, thrünpuhbonü I kheak alü she rhimoshang.”

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:27

tüsho thaang, ‘ Kiulongthsüpuhnü ha tha: Ha buh ha rihyam ching yukang, tüsho I mungtsü chingnü marüchoki, api ki yikhap tüsho ke lang kipduhang.’”

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

JOB HU H T ANYU 19:19

I müyamrü khung alalanü I thraneanchoh, tüsho inü muzhode alarünü I azhihde rholodo.

MUNGSHIKHÜN 31:13

Tümüde akeangyu thakhi ahihkhüh inü sochoh; thrip aban atrebe lah; arünü I azhihde rük thsüchoh tüsho I rhangdung lupü mülapmüjichoh.

MUNGSHIKHÜN 31:14

Tüshe inü nü kheak kinchoh, O Atungpuh ; inü thachoh, “Nü I Thrünpuh.”

MUNGSHIKHÜN 41:10

Tüshe, O Atungpuh , I müthsümang tüsho I lahmusuang, junangde inü arü ki athrihlobah.

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

MUNGSHIKHÜN 57:4

I a mihtsürü tsühbe kekhüzübo nangde alakhi thiriribonü sündobah lah; arü hübo thsüh tüsho hühzobo ah tüsho arü mulo ju azüpzüp nukshang ah.

MÜCHITMUDU 10:18

Shepünü athraneankhi ramchonü akeangyu münküpbo lah, tüsho shepünü dünthamungtha bushihchonü makharü ah.

ISAIA 29:21

sherünü mihtsürübo amülim kamshihcho, shepünü chipiripit ching mahkhaprü thsungkheak azheang zocho, tüsho mütsanmükhi mülade alungki ching larü thiyuro rahlocho.

JEREMIA 1:19

Arünü nü bede keochihbah; tüshe arünü nü mukuk, tümüde nü bekhitpü I nü lung lah, Atungpuhnü thachoh.

JEREMIA 11:19

Tüshe I a azhihayihkhi namfimihnunu alaksahpü bede yükhi ruk lakheah. Tüsho ha I azhihkhi ah de inü mümükheah, junangde arünü amütsü lümkhi thsüde tha, “ Isanü sangaso kihde sangdung kiushakanü, isanü api rhangdung lomi chingnü lipkhianü, junangde api mung kheaküa mülümkhit!”

JEREMIA 11:21

Jumonü Anathoth mihtsürü dünkheak Atungpuhnü ha thachoh, sherünü nü rhangdung yimkhea, tüsho tha, “ Nünü Atungpuh mung chingnü mümüchit, yungsho nü isa khahnü ashebah,”

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 20:3

Ashido yapsu küyimki Pashhurnü Jeremia rihyam chingnü dükhekhea, Jeremianü api ki tha, Atungpuhnü nü mung Pashhur de müji tüshe “Alalamükamde-atrebe.”

JEREMIA 37:13

Küyimki api Benjamin Chipiripit khiungkhea, ju ching aheangrü khülang Hanania tsührü Shelemia tsührü amung Irija nü wukihbuh rambah tha, “ Nü Kaldearü kilim tsokhide yüchoh.”

JEREMIA 6:25

Thulu ching düyü, yungsho limro kheak dütsah; tümüde thiririnü nukshang shuhlah, athrip abande atrebe lah.”

EZEKIEL 22:9

Nüsa mihtsürü khürü asheshihpü akeangyu tharü lah. Arü khürünü sangthsü kingaünkhibo tsühchoh tüsho yüliyürarü lah.

DANIEL 6:4

Jumonü kiuthsürü tüsho kovünorbonü kiulongthsü dünkheak Daniel azhihde atsangpü jing-thrümpung yimkhitpü mürang. Tüshe arünü atsangpü thsungkheak jingthrümpung yungsho athsümünim tümü müyimkhit, tümütüsho api thülünde alakheah, tüsho sheakmadukkhi yungsho athsümünim tümü api kheak müyimkhitkhukde alakheah.

LUKNÜ ATHRÜTKHI THIYUSHEAK-ATSÜ HUHTANYU 20:20

Jumonü arünü api kheah, tüsho api ju kovünor wu tüsho thiyukhüm-sühmüh ching jihpü api yubo chingnü anihbuh rampü thiyuro-lungkirü ah de thsübah rükramrübo yüshih.

YUNIRÜBO RHIMO 24:13

Arünü I azhihde nü ki she amütsan jihkhukpü yung.

YUNIRÜBO RHIMO 5:33

Küyimki arünü ha sokheanü bukakhiuk tüsho arü laksahpü kün.

YUNIRÜBO RHIMO 7:54

Küyimki arünü harü sokheanü arü bukakhiuk tüsho api azhihde arü hü mütrüt.