JEREMIA 2:5 - AMÜSÜH HÜM CL Bible (BSI)

⁵ Atungpuhnü ha thachoh: Tümü amülim nüsa jipürünü I kheak ngübahle I kheaknü arübo limshude ayükhea, tüsho müthülünkhi dunglim yükhea tüsho arübo müthülünde kamkhea?

JEREMIA 2:5 Iomraidhean Croise

2 KIULONG THSÜRÜ 17:15

Arünü api yakzanbo, apinü arü jipürü kheak tangzüngkhi, tüsho arü kilim dühdükhiyu jihkhi bahyuk. Arünü sangthsübo dunglim yü tüsho amülim kamabah; arünü arhimokhi yande dürhimo de Atungpuhnü athakhi arü mühi trükshihbo dunglim yan.

MUNGSHIKHÜN 115:8

Sherünü jurü thsükheanü arü nangde lah; jurü kheak kinrü abannü junangde lah.

ISAIA 29:13

Atungpuhnü tha: Tümütüsho harü mihtsürünü arü münnü phünide arüchoh tüsho arü münküpnü I wüntrechoh, tüshe arü mulong a I kheaknü limshulah, tüsho arü kingaünkhi ju mihtsürü yukhüm lümkangyunü anikhitkhi lah;

ISAIA 44:9

Sangthsü thsürü alala tümü müla, tüsho arü asühkhi kukrukbo alü müla; arü thiyumütsanbo müngü yungsho mümükheah. Jumonü arübo achih ngüshihbah.

ISAIA 46:12

I ki aniang, nüsa mulong müküprü, nüsa sherü abekhitpü chingnü limshude la:

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 12:2

Nünü arü khimkheah, tüsho arü aying chinyuk; arü asürü tüsho sangaso aso; nü a arü münbo thüninde lah tütüshe arü mulong kheaknü limshulah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 2:4

Atungpuh yu aniang, O Jakob yamkhün, tüsho Israel trük yamkhün alala.

JEREMIA 8:19

Aniang, limshu tüsho amülih lomi ching amuzhobe mihtsürünü azhikhi: “Atungpuh Zion ching müla de? Anihbe kiulongthsüpuh kheaküa ju ching müla de?” (“Tümüde arünü arü sangthsübo, arü khiungkerü sangthsübo kheak I bukakhiukshihkhea?”)

EZEKIEL 11:15

Mihtsürü tsührü, nü keoniorü khung tüsho Israel yamkhün athrünkhi ki Jirusalem ching larünü tha, Arübo Atungpuh kheaknü limshude lah; ha lo ha isa yamalo thsüpü jihkheah.

EZEKIEL 14:5

Junangde arü sangthsübo thsungkheaknü I bahkhirü, Israel mihtsürü mulong inü tholobah.

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

MATHI 15:8

‘Harü mihtsürübonü arü münbonü I ki wüntre jihchoh, tüshe arü mulongbo I kheaknü limshude lah.

YUNIRÜBO RHIMO 14:15

“Mihtsürübo, tümüde nüsanü ha rhimocho? Isa she nüsa ruk mihtsürü ah, tüsho nüsanü harü akeangkeang chingnü rholobah thüning le alomi tüsho boto le ju ching lakhi alala thrünrü arhang Thrünpuh kilim yüshihpü thiyusheak atsü hande arükheah.

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

1 SAMUEL 12:21

tüsho alü mülabe yungsho mükhümkhitbe akeangkeang kukruk lim danguh, tümüde jurübo akeangkeang ah.