JEREMIA 2:20 - AMÜSÜH HÜM CL Bible (BSI)

²⁰ Ashang tsodo, nünü nü sangkaplak yihshak tüsho thiyuchihchim yihshakabah, tüsho nünü tha, “ Inü mütankih!” Awung achang abande tüsho sangdung phüyak aban khüp müzammüramrü nangde nünü yap.

JEREMIA 2:20 Iomraidhean Croise

1 KIULONG THSÜRÜ 12:32

Jeroboamnü Juda ching lakhi thünio nangde khinu tizheah nimung thürükheak phüngü nipü thünio mungpü akhukhit, tüsho apinü kingaün sadam kheak laksah-a kingaünkhibo jih; junangde apinü athsükhi moshi nunubo kilim Bethel ching laksah-a kingaün. Tüsho apinü athsükhi awung achangbo amükeamrübo ju Bethel ching zojih.

1 KIULONG THSÜRÜ 14:23

Tümüde arünü she arü thsungkheak awung achangbo, dungjingbo, tüsho Ashera mejakbo awung achang tüsho sangdung phüyakbo khüp thsü;

MUNGSHIKHÜN 107:14

Apinü arü amiting tüsho ashe alamme chingnü bekhit, tüsho arü wuhrünliubo adütre kamde yihthünak.

MUNGSHIKHÜN 2:3

“Isanü arü wuhrünliubo yihshakanü, tüsho arü liubo isa kheaknü jipyuka bahanü.”

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

ABEKHIT 19:8

Judüki mihtsürü alala rukhühnü alo tüsho tha, “Atungpuhnü athakhi yu alala isanü arhimobah.” Jumonü Mosanü mihtsürübo yu Atungpuh kilim lulode arü.

ABEKHIT 24:3

Jumonü Mosanü akibah mihtsürübo ki Atungpuh yubo tüsho yakzanbo alala tha. Mihtsürü alalanü düsheak khülangnü alo tüsho tha, “Atungpuhnü athakhi yubo alala isanü arhimobah.”

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ISAIA 1:21

Küdükhüh she athülünkhi kiuto müzammüramrü kama la! Anihbe kheak thiyuro lakheah, thiyuro-lungki anihbe kheak lakheah, tüshe kheaküa mihlaksahrü ah!

ISAIA 10:27

Ju nimung arü hahmülang nü dubuh kheaknü ashuhkhibah tüsho nü shih kihkhinü arü sangkaplak nü hung kheaknü athsümünimbah.

ISAIA 14:25

Inü Asiriarü I lomi chingnü dükheakshihbah, tüsho I yo awung kheak müphü khüp api jungbah; api sangkaplak, tüsho api hahmülang arü dubuh kheaknü lahkhia bahbah.

ISAIA 9:4

Tümüde arü nolokhi sangkaplak tüsho arü dubuh ajapkhi sangdüdam, arü junokhi tso, Midiarü kukkhi nimung nangde nünü yihshak.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JEREMIA 17:2

arü tsührübonü she arü kingaün sadam tüsho Ashera sangthsübo lümkhitchoh, sangdung phüyak aban ki tüsho awung achangbo kheak,

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 3:13

Nünü Atungpuh nü Thrünpuh azhihkhi mütsande mükheahshang, tüsho nü muzho jaksorü bolung sangdung phüyak aban khüp hiumüzütkhi, tüsho I yu manikhi alokhiang, Atungpuhnü thachoh.

JEREMIA 30:8

Wuto Atungpuhnü thachoh, ju nimung, inü api hung kheaknü sangkaplak yihshakbah, tüsho api yinchiliu yihkhitjihbah, tüsho khiungkerübonü kheaküa api azhorü mükamshih.

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

EZEKIEL 16:28

Nünü Asiriarü kheak she müzammüram, tümütüsho nü reangmükeamde alakheah; tüsho ju dunglim she nü reangmükeamde alakheah.

EZEKIEL 16:31

Nünü limro ku aban kheak sadambo tüsho kiudunglimro aban ching kingaün dangpungbo thsü, tüshe nü a müzammüramrü ruk yungde alakheah, tümütüsho nünü adün mulu.

EZEKIEL 16:41

Arünü nü yambo takkheambah tüsho aliberübo mikinü nü thsümüchibah. Inü nü müzammüram tukloshihbah, tüsho kheaküa nünü nü muzhorü ki müjihchung.

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

EZEKIEL 23:5

Oholanü anihbe I yo lachoki müzammüram thsü; alibenü anihbe muzhorü Asiriarü, thirithsürübo mürüh,

HOSEA 1:2

Küyimki akhuhde Atungpuhnü Hosea hode asukkhea, Atungpuhnü Hosea ki tha, “ Yüang, müzammüramberü nü niube thsüpü luang tüsho müzammüramrü tsührübo lashang, tümüde lominü Atungpuh bahyukde müzammüram ato yihbeakdo.”

HOSEA 2:5

Tümüde arü abenü jilihjikhün ahorido; alibe shepünü arü zübekheanü achihbe rhimodo. Tümüde anihbenü tha, “ Inü I muzhorübo dunglim yübah; arünü I kilim yikhap tüsho ke jihchoh, khimlamlam, khimthünak, müdangke tüsho yukhu jihchoh.”

HOSEA 3:3

Tüsho inü alibe ki tha, “ I lung nimung ashang labah; nünü püpü thrürü kheak yüliyüra, müzammüram müthsübeah, tüsho I nü lung labah.”

HOSEA 4:13

Arünü müzüng mujukbo kheak laksah-a kingaünchoh, tüsho awungbo kheak, thülamsang, müyüh-kibe, tüsho mudungsang khüp kingaün jihchoh, tümütüsho arü alampung tsülah. Jumonü arü tsührübonü jilihjikhün ahorichoh, tüsho nü tsühmeakbebonü müzammüramchoh.

HOSEA 9:1

Dasühachih, O Israel! Püpürü trükshihbo nangde dasühako; tümüde nünü nü Thrünpuh kheaknü chamkhide yüliyürado. Nünü hinitpung alala kheak müzammüram mulomüthsüpü muzhodo.

LEVI 26:13

I Atungpuh nüsa Thrünpuh hode nüsa arü azhorü müthsüshihpü Ijip lomi chingnü bekhit; inü nüsa sangkaplak yihshakjih tüsho langakindo tsahshih.

NAHUM 1:13

Tüsho kheaküa inü api sangkaplak nü kheaknü ayihshakbah tüsho nü rhükkhi wuhrünliu yihshakbah.”

YUZÜNGTHALO 12:2

Nüsanü yankhita bahpü lakhi trükshihbonü arü thrünpuhbo tankihkhi dangpungbo müzüng achangbo ching awungbo tüsho sangdung aphüyak bukkhüp lakhibo alala thsümünima bahjang.

YUZÜNGTHALO 15:15

Nüsa Ijip ching azhorü lakheah de nüsanü lümkhitang, tüsho Atungpuh nüsa Thrünpuhnü rhokhit; jumonü khihni ha inü nüsa ki thiyukhüm jihchoh.

YUZÜNGTHALO 26:17

Khihni nüsanü Atungpuh ju nüsa Thrünpuh thsüpü alokhido, tüsho junangde nüsanü api limro ching tsahbah tüsho api yakzan, api yukhüm, tüsho yuzüngbo anibah.

YUZÜNGTHALO 4:20

Tüshe Atungpuhnü nüsa yinchi trukhi, Ijip chingnü nüsa khihni lakhi ruk api mihtsürü thsüpü tüsho api yamrüplurüp thsüpü bekhit.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

YUZÜNGTHALO 5:27

Nünü thüninde yüang tüsho Atungpuh isa Thrünpuhnü athakhi alala aniang, tüsho Atungpuh isa Thrünpuhnü nü ki thakhi isa ki thaa huhang, tüsho isanü anide ju rhimobah.

JIHUSUA 1:16

Arünü Jihusua ki alo, “Nünü isa ki thakhi alala rhimobah tüsho kürü ching thiyibanü isa ayübah.

JIHUSUA 24:24

Mihtsürübonü Jihusua ki tha, “Atungpuh isa Thrünpuh isanü tankihbah, tüsho isanü api düsheak anibah.”

JIHUSUA 24:26

Jihusuanü harü yubo Thrünpuh yakzan hüm ching thrütyuk; tüsho apinü lung ato khülang lubahle Atungpuh arüngyam ki thülamdung khüp khima zo.

AMIKHEAKAKHIUKKHI 17:1

Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.

MAHKHAPRÜ 2:11

Judüki Israelrübonü Atungpuh miki amütsü ju rhimo tüsho Baalbo tankih;

MAHKHAPRÜ 2:13

Arünü Atungpuh bahyuk tüsho Baal le Astar tankih.

1 SAMUEL 12:10

Judüki arünü Atungpuh ki zhi, tüsho tha, ‘Isanü neak yihbeakdo, tümütüsho isanü A TUN GPU H bahyuk, tüsho Baalbo le Astarbo tankih; tüshe kheakü isa riri khah chingnü isa khümkhitang, tüsho isanü nü tankihbah.’