JEREMIA 2:19 - AMÜSÜH HÜM CL Bible (BSI)

¹⁹ Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 2:19 Iomraidhean Croise

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

2 KIUTHSÜYUKHEAN 12:5

Judüki Shishak dünkheaknü Jirusalem ching mukhungkhi Rehoboam tüsho Juda atorübo kilim wukihbuh Shemaia arü, tüsho arü ki tha, “Atungpuhnü ha thachoh: Nüsanü I bahyukdo, jumonü inü nüsa Shishak khah ching jihdo.”

2 KIUTHSÜYUKHEAN 21:10

Jumonü khihni khiungde Edomnü Juda yakzan shuhkhi kheak azhihde arü. Ju kim ching Libnanü she api yakzan shuhkhi kheak azhih, tümütüsho Jehoramnü jipürü Thrünpuh, Atungpuh bahyuk.

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

MUNGSHIKHÜN 36:1

Neak yihbeakkhinü mihbukmuyuk ki api mulong ching sükde asukchoh; api mük ki Thrünpuh trekhi müla.

ABEKHIT 33:6

Jumonü Israelrünü Horeb müzüng kheak arü zülu alala khukkhi.

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

ISAIA 3:9

Arü miro kheak kheahkhinü arü azhihkhi thiyumütsan huhchoh; arünü arü neak Sodom nangde zhiyukchoh, arünü ju müram. Arübo ayokhe! Tümüde arünü amütsü rhimo arü kheak handarüdo.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 4:18

“ Nü limrobo tüsho nü rhimobonü ha nü kheak handarüdo. Ha nü neak hode thsümütsü lah; ha küdükhüh akhüh! Hanü nü mulong khiungdo.”

JEREMIA 5:22

Nüsanü I mütre de? Atungpuhnü thachoh; nüsanü I miki majancho de? Inü keto aredung thsungkheak loyi zojihlah, lünnü muhokhukbe rhü khülang; kenü abükbük she müzünhokhuk, arungrung she muhokhuk.

JEREMIA 5:24

Arünü mulong ching mütha, “ Isanü Atungpuh isa Thrünpuh treanü, shepünü akheahmünchi ching tsüng arüshihcho, mumükin tsüng tüsho mükhean tsüng jihcho, tüsho isa kilim yimlupü nimungbo akhukhita zojihcho.”

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

JEREMIA 7:19

Atungpuhnü thachoh, Arünü I bukakhiukshihcho de? Arü küdah thsüde arü achih handarüchoh yung de?

JEREMIA 8:5

Dale küde ha mihtsürünü murholo tsantsande tsoa la? Arünü akeangyu kheak düküngde ramrihdo, arünü arholopü reanglodo.

EZEKIEL 23:30

ha nü kheak handarü, tümütüsho nünü trükshihbo kheak müzammüram ahori, tüsho arü sangthsübo kheak nü müneana lu.

EZEKIEL 39:24

Inü arü ki arü mümüsühkhi tüsho arünü alakmihkhibo yande rhimo, tüsho arü kheaknü I miro jik.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

HOSEA 13:9

Inü nü thsümüchibah, O Israel; shenü nü rungkhiba?

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 4:16

Israelrü ju khoranunu nangde yihkhro ah; küde thsah Atungpuhnü rimlopung amülih ching arü yimkippü?

HOSEA 5:5

Israel lülüshishikhinü arü azhihkhi huhchoh; api mülimkhi ching Ephraim jing mükhechoh; arü lung Juda she jing mükhechoh.

HOSEA 7:2

Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.

HOSEA 9:1

Dasühachih, O Israel! Püpürü trükshihbo nangde dasühako; tümüde nünü nü Thrünpuh kheaknü chamkhide yüliyürado. Nünü hinitpung alala kheak müzammüram mulomüthsüpü muzhodo.

AMOS 8:10

Inü nüsa aniojikhibo atüzhokhi kamshihbah, tüsho nüsa khün alala atüzhokhi kamshihbah; inü alala chim kheak shungliukhim hande arübah, tüsho mihbüm aban ku hütshihbah; inü ju tsührü khülang lang alakhi thsungkheak tüzhokhi ruk kamshihbah, tüsho akheam ching ju akhüh nimung nangde akamshihbah.

MIKA 1:5

Ha alala Jakobnü alakmihkhi thsungkheaknü tüsho Israel yamkhün neakbo thsungkheaknü ah. Jakobnü alakmihkhi ju tümü a? Ha Samaria yung de? Tüsho achang dangpung tümü a? Ha Jirusalem yung de?

ZEKARIA 7:11

Tüshe arünü anipü thsunglo, tüsho chungthülangdo arü düthsün anguh tüsho manipü arü nükhün yihdo.

ROMRÜ KILIM PAULNÜ ATHRÜTKHI KIHÜM HUHTANYU 3:18

Thrünpuh trekhi arü mük ki müla.”

MAHKHAPRÜ 10:13

Tütüshe nüsanü I bahyuk tüsho püpürü thrünpuhbo tankih. Jumonü kheaküa inü nüsa mübekhit.