JEREMIA 2:17 - AMÜSÜH HÜM CL Bible (BSI)

¹⁷ Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 2:17 Iomraidhean Croise

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

2 KIUTHSÜYUKHEAN 15:2

Apinü Asa shorupü wukhiuk, tüsho api ki tha, “I ki aniang, Asa, tüsho Juda alala tüsho Benjamin: Atungpuh nüsa lung lah, nüsa api lung lah. Nüsanü api yimsho, nüsanü api ngübah, tüshe nüsanü api bahyuksho, apinü nüsa bahyukbah.

JOB HU H T ANYU 34:27

tümütüsho arünü api kheaknü rholo, tüsho api limrobo tümü she akin müla,

JOB HU H T ANYU 4:8

Inü ngüdo, shepünü amütsü phüncho tüsho küpkhuk yangchonü ju ruk yimluchoh.

MUNGSHIKHÜN 107:7

Tüsho apinü arübo alungki limrobo mikhuh be, junangde arünü alapü thsungkheak kiuto lim yüpü lakheah.

MUNGSHIKHÜN 136:16

api mihtsürü sunglo hode abehobuh kilim, tümüde api amüthsüm lünnü rünkhiungde lah;

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

MÜCHITMUDU 15:10

Müküpde adanyukkhi ju limro bahyukrü thsungkheak lah, tüsho shepünü athsülangkhi thraneanchonü ashebah.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 59:13

thsümünimde, tüsho Atungpuh reanglode, tüsho isa Thrünpuh yankhi chingnü tsoabahde, junode tüsho azhihkhirhimo akeangyubo hankhi tüsho jurü mulong chingnü akhiukkhi lah.

JEREMIA 13:22

Tüsho nü mulong ching, “Tümüde hadürü I kheak arücho?” de thasho, ha nü mülimkhi ato hode nü rungthsün lahkih, tüsho nü thsümünim.

JEREMIA 19:4

tümütüsho mihtsürübonü I bahyuk, tüsho arü le jipürü yungsho Juda kiulongthsürübonü mümükheahkhi püpü thrünpuhbo ha ching kingaünkhinü ha dangpung müneanjih; tüsho arünü ha dangpung ching amülimmülarü thiyihnü mishih,

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 4:18

“ Nü limrobo tüsho nü rhimobonü ha nü kheak handarüdo. Ha nü neak hode thsümütsü lah; ha küdükhüh akhüh! Hanü nü mulong khiungdo.”

JEREMIA 44:3

tümütüsho arünü amütsü rhimodo. Arünü arü yungsho nü yungsho nüsa jipürübonü küyimkishe mümükheahkhi thrünpuhbo ki rhümthüneabe takde tüsho kingaünde I bukakhiukshih.

JEREMIA 5:25

Nüsanü alakmihkhibonü harü rholode tsodo, tüsho nüsa neakbonü atsübo tukloshihdo.

EZEKIEL 39:24

Inü arü ki arü mümüsühkhi tüsho arünü alakmihkhibo yande rhimo, tüsho arü kheaknü I miro jik.

HOSEA 13:9

Inü nü thsümüchibah, O Israel; shenü nü rungkhiba?

MIKA 1:5

Ha alala Jakobnü alakmihkhi thsungkheaknü tüsho Israel yamkhün neakbo thsungkheaknü ah. Jakobnü alakmihkhi ju tümü a? Ha Samaria yung de? Tüsho achang dangpung tümü a? Ha Jirusalem yung de?

WÜHKHE 32:23

Tüshe nüsanü jude müthsüsho, mütsanang, nüsanü Atungpuh azhihde neak yihbeakdo; tüsho nüsa neaknü nüsa yimkhitbah de mütsanang.

YUZÜNGTHALO 32:10

Apinü api sunglo ching tüsho tümü mülakhi sunglo ching ngü; apinü anihbuh mükamdode, api küm, apinü anihbuh api mükji mukhiuk nangde neakde la.

YUZÜNGTHALO 32:19

Atungpuhnü ju ngübahle arü bahyuk, tümüde atsührü tüsho tsührübebonü abukakhiukshih.