JEREMIA 2:15 - AMÜSÜH HÜM CL Bible (BSI)

¹⁵ Kekhüzübonü api azhihde arung, arünü achangnü arung. Arünü api lo abahkhi kamshih; api kiutobo mihtsürü mülade thsümünima lah.

JEREMIA 2:15 Iomraidhean Croise

JOB HU H T ANYU 4:10

Kekhüzü arungkhi, kekhüzü bukmüke düsheak, tüsho kekhüzübo shihthrülü hü zhakabah.

MUNGSHIKHÜN 57:4

I a mihtsürü tsühbe kekhüzübo nangde alakhi thiriribonü sündobah lah; arü hübo thsüh tüsho hühzobo ah tüsho arü mulo ju azüpzüp nukshang ah.

ISAIA 1:7

Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 24:1

Kheakü Atungpuhnü alomi akeangkeang lashihbah tüsho abahkhitshihbah, tüsho ami rhophülapbah tüsho ju ching larü hiumüzütbah.

ISAIA 5:29

Arü arungkhi kekhüzü nangde arungchoh; arünü ahukchoh tüsho shih ramchoh, arünü lude tsochoh, tüsho shenü müyankhikhuk.

ISAIA 5:9

Wuto Atungpuhnü inü sode thiyuchihchim: Tsükjide thüyam ahihdo zhikabahbah; thüyam atoto tüsho akheahakham mihtsürü mülade akambah.

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

JEREMIA 10:22

Kheahang, düsheak khülang, alankhi ato khülang dukulim lomi chingnü, Juda kiutobo zhikrangkhündo shirung lapung kamshihpü arüa lah.

JEREMIA 25:30

Jumonü nünü arü azhihde harü yubo alala müchitbah: Alomi ching larü alala azhihde Atungpuhnü achang kheaknü ahukbah, tüsho api amüsüh lapung chingnü api düsheak thsübah; apinü api lomi azhihde todakde ahukbah, tüsho kurungaso-nitrü nangde ahobah.

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 26:9

Tümüde nünü Atungpuh mung chingnü, ‘ Ha yam Shilo ruk kambah, tüsho ha kiuto mihtsürü mülade zhikrangkhündo alabah’ de müchitcho?” Tüsho mihtsürü alalanü Atungpuh yam ching Jeremia mükamde mukhung.

JEREMIA 33:10

Atungpuhnü ha thachoh: Ha dangpung ching küpü nüsanü thacho, “Ha mihtsürü yungsho shiwüh mülade abahkhi lah,” Juda kiutobo ching tüsho azhikkhi Jirusalem kiudunglimrobo ching, mihtsürü yungsho shiwüh mülakhi ching khülang ki solobah,

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 5:6

Jumonü murung ching yo kekhüzünü arü nguhsahbah, loshelo ching yo rimrenü arü thsümünimbah. Sangtsungnü arü kiutobo azhihde kheahchoh; sherübo wukhiukbanü adütre kamde thonakbah– tümütüsho arünü alakmihkhibo hihlah, arü mulong murholokhi tolah.

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 51:38

Kekhüzübo nangde arü rukhüh arungbah; arünü kekhüzü nunu nangde ahukbah.

JEREMIA 6:8

Kurhangang, O Jirusalem, jude yungsho I nü kheaknü atsobah, tüsho nü ju azhikkhi, mihtsürü mülapung lomi kamshihbah.

JEREMIA 9:10

Awungbo thsungkheak trippü tankihang tüsho tüzhoang, tüsho sunglo rim thsungkheak lungriang, tümütüsho arübo thsümünima yaplah, junangde shenü mütsahho, tüsho moshi khungkhi muso; thüning wuhnubo tüsho shiwühbo chidonü alapde tsoabahdo.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

EZEKIEL 36:3

jumonü müchitang, tüsho thaang: Atungpuh Thrünpuhnü ha thachoh: Tümütüsho arünü nüsa zhikrangkhündo kamshih, tüsho thrip alala chingnü nüsa züthünak, junangde nüsa ju aningkhi trükshihbo yamalo kam, tüsho mihtsürü bolung nüsa ju dünthamungtha tüsho jipjiprara kam;

EZEKIEL 5:14

Inü nü thsümünimbah tüsho nü mühide trükshih bolung, atsahhorü alala miki münedung kamshihbah.

HOSEA 11:10

Arünü kekhüzü nangde arungkhi Atungpuh dunglim yübah; küyimki apinü arungbanü, api tsührübo aniyüzahlimnü ajande arübah.

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

AMOS 3:12

Atungpuhnü ha thachoh: Namfimihnu neakrü jing mahne yungsho nuku khülang kekhüzü mün chingnü ayankhikhi nangde, Samaria ching lakhi Israel mihtsürü dükhüm-binkiu mungkhüh tüsho yapkiu shihchamkhüh kheak binrü khümkhitbah.

AMOS 3:4

Shih mülachoki kekhüzünü murung ching arungcho de? Kekhüzü nununü tümü mutholode ayam ching khungcho de?

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

NAHUM 2:11

Kheakü kekhüzü yam küching la, küpü dangpung ching arü nunu yimkipkhea, küpü ching kekhüzü tüsho kekhüzü dreto, tüsho anunubo mütrede ayükhea?

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

ZEPHANIA 2:5

Ah, keyean larübo, nü Kerethrü trükshih! Atungpuh yunü nü azhihde lah, O Kanan, Filistia lomi; inü sheshe maningshihde nü dükheakshihbah.

ZEPHANIA 3:6

Inü trükshihbo phüta bahdo; arü chipibo athsümünim ching lah; inü arü kiudunglimrobo thsümünima lashihlah, junangde shenü jurü ching mütsahho; arü kiutobo ching mihtsürü mülade zhikabahshihdo.

ZEKARIA 11:3

Aniang, namfimihnu neakrünü tüzhokhi, tümüde arü müretahkhi thsümünima lah! Aniang, kekhüzübo arungkhi, tümüde Jordan ching khide akheahkhi murung thsümünimdo!

MAHKHAPRÜ 14:5

Jumonü Samsonnü abuh le abe büne lung Timna ching yüki tüsho Timna kurungasolu ching arü. Kheakü zukleangnü kekhüzü nunu khülang api kilim arungde arü.