JEREMIA 19:8 - AMÜSÜH HÜM CL Bible (BSI)

⁸ Tüsho inü ha kiuto atrebe, ish thsübe khülang kamshihbah; ha chingnü ahorü abannü ha thsümütsü dünkheaknü atrebah tüsho ish thsübah.

JEREMIA 19:8 Iomraidhean Croise

1 KIULONG THSÜRÜ 9:8

Ha yam ha athsümünimkhibo mujung kambah; ha horü abannü amüyinsahbah, tüsho ish dübah; tüsho arünü athabah, ‘ Tümüde Atungpuhnü ha lomi tüsho ha yam kheak hadürü rhimokhea?’

JEREMIA 18:16

arü lomi atrebe kamshihde, lünnü ish thsüpü lah. Ha ki horü alala trechoh tüsho arü kubo lukchoh.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 49:13

Tümüde I küdahnü thiyuchihchimdo, Atungpuhnü thachoh, junangde Bozra ju mihtrebe tüsho münedung, abahkhi, tüsho muthrukhi kukruk khülang kambah; tüsho anihbe kiutobo alala lünnü abahkhi labah.

JEREMIA 50:13

Atungpuh bukakhiukkhinü Babilon ching she mülade zhikrangkhündo alabah; Babilon horü abannü müyinsahbah tüsho anihbe mübo alala thsungkheaknü ish thsübah.

EZEKIEL 27:36

Mihtsürü bolung shothsümolorünü nü kheak ish thsüchoh; nü a mihtrebe kamdo tüsho lünnü mülalo.

LEVI 26:32

Inü nüsa yingyingbe khungshihbah, tüsho ju ching lapü arürü nüsa riribonü ju ngübah müyinsahbah.

MIKA 6:16

Nünü Omri yakzan thsükhibo tüsho Ahab yamkhün rhimobo zodo, tüsho nünü arü lalimlakobo yando. Jumonü inü nü ju athsümünim, tüsho nü kheak larübo ish thsüpü kamshihkheah; jumonü I mihtsürünü abahyukkhi nünü ahanbah.

ZEPHANIA 2:15

Ha lülüshishi tüsho tsüde lah dükhi kiuto, anihbenü tha, “ I lah tüsho sheshe müla!” Anihbe küdükhüh athsümünimkhi kamde, mütüm shiwüh yam lah! Anihbe tsahhorü abannü ish thsüchoh tüsho khahduthrung hitchoh.

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.

YUZÜNGTHALO 29:22

“Junangde nüsa dunglim asürükhi tsührübo lün, tüsho limshu lomi chingnü arükhi khiungkerübonü Atungpuhnü ju lo ching arüm tüsho tukthsü zojihkhi ngübahle athabah: