JEREMIA 19:7 - AMÜSÜH HÜM CL Bible (BSI)

⁷ Tüsho ha dangpung ching inü Juda tüsho Jirusalem lümkhibo akeangkeang kamshihbah, tüsho arübo arü riri müngüh nukshang tüsho arü rhangdung yimrü khah hode akeamshihbah. Inü arü ashemibo thüning wuhnubo tüsho alomi shiwühbo kilim jim thsüpü jihbah.

JEREMIA 19:7 Iomraidhean Croise

2 KIULONG THSÜRÜ 21:14

Inü I yamrüplurüp aningkhi bahyukbah, tüsho arü riri khah ching jihbah; arübo ju arü riri alala miki thsünükhi tüsho yankhia lukhi kambah,

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

JEREMIA 15:2

Tüsho küyimki arünü nü ki thaba, “ Isa külim peang yüba?” nünü arü ki thabah: Atungpuhnü ha thachoh: Sherü arüm-tukthsü akhulanü, arüm-tukthsü lim, tüsho sherü nukshang akhulanü, nukshang lim; sherü khümzung lim akhulanü, khümzung lim, tüsho sherü arampü akhulanü arampü lim.

JEREMIA 15:9

Alibe shepünü thüne zübekheanü sheabahdo. Animungnü anihbe ni yüzahbah; anihbe achih ngübah tüsho wüntre mülade alabah. Tüsho aningkhi inü arü riri miki nukshang kilim jihbah, Atungpuhnü thachoh.

JEREMIA 16:4

Arübo ashebe tukthsübonü ashebah. Arübo mütüzho, yungsho kiuyuka mübah; arübo alo mi kheak müneanmuru nangde alabah. Arübo nukshang tüsho khümzungnü ashebah, tüsho arü ashemibo thüning wuhnubo tüsho alomi murung shiwühbo jim kambah.

JEREMIA 18:21

Jumonü arü tsührübo khümzungnü sheshang; arübo nukshang wu kilim jihang, arü niuberübo tsührü mülade tüsho khimoberü kamshang. Arü niubuhrübo tukthsünü sheshang, athunurübo keochih ching nukshangnü laksahshang.

JEREMIA 21:7

Atungpuhnü thachoh, ju dunglim inü Juda kiulongthsüpuh Zedekia, api yamlarübo, tüsho ha kiuto ching larü mihtsürübo–arümtukthsü, nukshang tüsho khümzung chingnü rhangdung larü–Babilon kiulongthsüpuh Nebukednezar khah ching, arü rhangdung yimrü arü riri khah ching jihbah. Apinü arübo nukshang müzheannü alaksahbah; apinü arü amuzho müla, maningshih, yungsho mihmuzho müla.

JEREMIA 22:19

Donki mi bahkhi nangde api mi bahbah, Jirusalem chipiripitbo hode nimkhita tüsho jipkhita bahbah.

JEREMIA 22:25

tüsho nü rhangdung yimrü khah ching nünü atrerü khah ching, Babilon kiulongthsüpuh Nebukednezar tüsho Kaldearü khah ching jihbah.

JEREMIA 32:28

Jumonü, Atungpuhnü ha thachoh: Inü ha kiuto Kaldearü khah ching tüsho Babilon kiulongthsüpuh Nebukednezar khah ching jihbah tüsho apinü ju lubah.

JEREMIA 34:20

arü riri tüsho arü rhangdung yimrübo kilim jihbah. Arü ashemibo ju thüning wuhnubo tüsho alomi mütüm shiwüh jim kambah.

JEREMIA 46:26

Inü arübo ju arü rhangdung yimrü, Babilon kiulongthsüpuh Nebukednezar tüsho api yo atorübo kilim jihbah. Ju dunglim awün nimungbo ching nangde Ijip ching mihtsürübo labah, Atungpuhnü thachoh.

JEREMIA 7:33

Ha mihtsürü mibo ju thüning wuhnubo tüsho alomi shiwüh jim thsübah; tüsho shenü arü müzüna mutsoshih.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

JEREMIA 8:8

Athrütrü yo dosangnü akeangyu kamshihchoki, “ Isa lümlung lah, tüsho Atungpuh yakzan isa lung lah,” de küde thsah nüsanü thakhukpü?

JEREMIA 8:9

Lümlung larü achih ngüshihbah, arübo ayingyingbah tüsho aphuhbah; tümütüsho arünü Atungpuh yu bahyuk, arü kheak tümü lümlung la?

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

LEVI 26:17

Inü I miro nüsa azhihde akheahbah, tüsho nüsa riribonü nüsa laksahbah, nüsa thraneanrünü nüsa kumung yakzan shuhbah, tüsho nüsa müshamrü mülalashe nüsa alihde atsobah.

LEVI 26:25

Nüsanü I kheak tangzüngkhi thsümünimkhi royimlopü inü nüsa kheak nukshang handarübah, tüsho nüsanü nüsa kiutobo ching yüsho, inü nüsa bolung arüm arüshihbah, tüsho nüsa riribo khah ching yüzahshihbah.

ROMRÜ KILIM PAULNÜ ATHRÜTKHI KIHÜM HUHTANYU 3:31

Dale tüsho ha akin hode yakzan isanü bahkhicho de? Jude yung! Judübüdün a, isanü yakzan shuhchoh.

ROMRÜ KILIM PAULNÜ ATHRÜTKHI KIHÜM HUHTANYU 4:14

Tümüde yakzan yande alarü yamrüplurüp lurü thsüsho, akinnü ju adün-amo müla tüsho alokhikhi ju akeangkeang,

1 SAMUEL 17:46

Khihni ha nimung ching Atungpuhnü nü I khah ching yukjihbah, tüsho inü nü kinga yapshihbah tüsho nü ku lipshakbah; tüsho inü Filistia bonungrü ashemibo ha nimung ching thüning ching lakhi wuhnubo tüsho alo kheak lakhi mütüm shiwühbo kilim jihbah, junangde Israel ching Thrünpuh khülang lah de alomi alalanü amükheahbah,