JEREMIA 19:3 - AMÜSÜH HÜM CL Bible (BSI)

³ Nünü athabah: Atungpuh yu aniang, O Juda kiulongthsürübo tüsho Jirusalem ching larübo. Wuto Atungpuh , Israel Thrünpuhnü ha thachoh: Inü ha dangpung kheak thsümütsü handarübah, junangde sherübonü ha sobanü nükhün peangbah,

JEREMIA 19:3 Iomraidhean Croise

MUNGSHIKHÜN 102:15

Junangde trükshihbonü Atungpuh mung, tüsho alomi kiulongthsürübo alalanü nü müretahkhi trebah.

MUNGSHIKHÜN 110:5

Atungpuh nü khah tsülim lah; api mulong zhipzhip nimung apinü kiulongthsürübo zünakbah.

MUNGSHIKHÜN 2:10

Jumonü kheakü, O kiulongthsürübo, lümlung laang; kurhangang, O alomi yakzanshuhrübo.

ISAIA 28:19

Hanü kheakü kheakü hochoki nüsa shikbah, nimung aban tüsho tsüngre aban; tüsho thiyusheak sokhi aban atrebe labah.

JEREMIA 13:18

Kiulongthsüpuh tüsho kiulongthsüberü ki thaang, “Abobe binkiu luang, tümüde nü ku kheaknü akheahakhamkhi kuthran ayokhido.”

JEREMIA 17:20

tüsho arü ki thaang: Nüsa Juda kiulongthsürübo, Juda alala, tüsho Jirusalem ching larü alala, harü chipiripitbo chingnü yüzahrü, Atungpuh yu aniang.

JEREMIA 18:11

Kheakü, jumonü Juda mihtsürü tüsho Jirusalem ching larü ki thaang: Atungpuhnü ha thachoh: Kheahang, nüsa azhihde inü thsümütsü thsüchoh tüsho rük amütsü thsüchoh. Nüsa alala limro amütsü chingnü kheakü rholoang, tüsho nüsa limrobo le nüsa rhimobo müthriang.

JEREMIA 19:15

Wuto Atungpuh , Israel Thrünpuhnü ha thachoh: Kheakü inü ha kiuto tüsho kiutobo kheak inü azhihde athakhi thsümütsü alala handarüchoh, tümütüsho arünü I yubo anipü reanglode arü hung chungthülangdo.

JEREMIA 25:29

Kheahang, I mung tamde ajikhi kiuto kheak inü thsümütsü handarüpü tankihchoh, tüsho küde thsah nüsanü thsümüchi tsokhikhukpü? Nüsa müthsümüchidüa müyü, tümüde lomi ching larü alala azhihde inü nukshang jihchoh, Wuto Atungpuhnü thachoh.

JEREMIA 35:17

Jumonü Atungpuh , Wuto Thrünpuh, Israel Thrünpuhnü ha thachoh: Inü Juda tüsho Jirusalem ching larü alala kheak azhihde athakhi thsümütsü lüpdükhi handarübah; tümütüsho inü arü ki asuk tüshe arünü mani, inü arü ki ji tüshe arünü malo.

JEREMIA 44:3

tümütüsho arünü amütsü rhimodo. Arünü arü yungsho nü yungsho nüsa jipürübonü küyimkishe mümükheahkhi thrünpuhbo ki rhümthüneabe takde tüsho kingaünde I bukakhiukshih.

JEREMIA 6:19

Aniang, O alomi; inü arü lümkhi aso asokhi ha mihtsürübo kheak thsümütsü handarüpü lah, tümütüsho arünü I yu mani; tüsho arünü I yakzan bahyukdo.

EZEKIEL 7:5

Wuto Atungpuhnü ha thachoh: Thsümütsü! Amusokhi thsümütsü arüchoh.

MATHI 10:18

Tüsho I dünkheaknü nüsabo ju kovünorbo tüsho kiulongthsürübo miki arü le khiungkerü ki amütsan thsüde bede arübah.

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’

1 SAMUEL 3:11

Judüki Atungpuhnü Samuel ki tha, “ Kheahang, inü Israel ching tümüanü arhimopü lah tüsho shepünü ju sobanü nükhün ane chido peangbah.