JEREMIA 19:13 - AMÜSÜH HÜM CL Bible (BSI)

¹³ Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 19:13 Iomraidhean Croise

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

2 KIULONG THSÜRÜ 23:10

Apinü Ben-hinnom ching lakhi Topheth thsümünim, junangde shenü she tsührü athrürü yungsho aliberü Molek kilim monü taka mükingaün.

2 KIULONG THSÜRÜ 23:12

Ahaz khiungshak kumung lakhi kingaün sadam, küpü Juda kiulongthsürübonü athsükhea, tüsho Manasenü athsükhi Atungpuh yam khiungshak mahne ching lakhi kingaün sadam, kiulongthsüpuhnü lukbah adütre kamde yihthünak, tüsho lungjinimbo Kidron ayung ching jipa bah.

2 KIULONG THSÜRÜ 23:14

Apinü dungjingbo adütre kamde yihthünak, Ashera sangthsübo kiushak, tüsho ju dangpungbo ching mihtsürü robonü danglo.

MUNGSHIKHÜN 74:7

Arünü nü arüngakopung kheak mo thsahkihdo; arünü nü mung lapung alo kheak müneando.

MUNGSHIKHÜN 79:1

O Thrünpuh, trükshihbo nü yamrüplurüp ching azahdo; arünü nü amüsüh arüngyam thsümünimdo; arünü Jirusalem thsümünima mujungshihlah.

ISAIA 22:1

Jindükhün michih dünkheak müchityu. Nüsa alala, thüyam kumung wutukhi ha tümü a,

JEREMIA 19:12

Hanangde ha dangpung, ha ching larü tüsho ha kiuto Topheth nangde akamshihpü Atungpuhnü thachoh.

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

JEREMIA 44:18

Tüshe isanü yinmi kiulongthsübe ki kingaünpü tüsho yukhu dungpü tuklokhi kimnü rünbah, isa tümü müla tüsho nukshang le khümzungnü dükheakdo.”

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

JEREMIA 7:18

Azürübonü sang momukhungchoh, buhrübonü mo takkihchoh, tüsho yinmi kiulongthsübe thsungkheak yikhap thsüpü azoberübonü ayikangkang neamchoh; tüsho arünü I bukakhiukshihde, püpürü thrünpuhbo kilim ayungbe kingaün dunga bahchoh.

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

EZEKIEL 20:28

Küyimki inü arü kilim jihpü alokhikhi lomi ching arü bedarükhea tüsho arünü awung achang yungsho ayüniuniu sangdung ngükhea, ju ching arünü laksah-a kingaün, I bukakhiukpü thsüde kingaün jih, arü yo arhümthüneabebo jih tüsho arü yo ayungbe kingaünbo dungabah.

ZEPHANIA 1:5

sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

YUNIRÜBO RHIMO 10:9

Ashidopü hantsahde kiuto phünide arübah, Peternü animuro ngüm thüyam mün kheak tamkhüntamnüpü yükih.

YUNIRÜBO RHIMO 7:42

Tüshe Thrünpuhnü rholode tso tüsho wukihrübo hüm ching thrüta lakhi nangde arünü chiningbo kingaünshih: ‘O Israel yamkhün, nüsanü sunglo ching kam yirü shiwühbo laksah-a I kilim jihdü de?

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.