JEREMIA 18:23 - AMÜSÜH HÜM CL Bible (BSI)

²³ Tütüshe O Atungpuh , arünü I laksahpü lümkhi nünü mükheahlah. Arü mülimkhi neak dübahjih, nü mikinü arü neak nankhita dübah. Arübo nü miki jipkhia bahang; nü bukakhiukchoki arü ki keoang.

JEREMIA 18:23 Iomraidhean Croise

MUNGSHIKHÜN 119:126

Ha nünü arhimopü kim ah, O Atungpuh , tümüde arünü nü yakzan akeangkeang khejihchoh.

MUNGSHIKHÜN 35:4

Sherünü I rhangdung yimchonü, achih ngüshang tüsho mükhemükimshang; sherünü I azhihde rük asahchonü rholoshang tüsho yingyingde kamshang.

MUNGSHIKHÜN 56:8

Nünü I küpkhuk mükheahlah; I chikebo nü keluh ching yukchoh; jurübo nü hüm ching müla de?

MUNGSHIKHÜN 59:5

Wuto Atungpuh Thrünpuh, nü Israel Thrünpuh ah. Trükshih alala thsümüchipü nü asürang; mülapmüjide amütsü lümkhi thsürü ki mihmüthsüm dühuh.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

ISAIA 2:9

Mihtsürübonü khukningchoh, tüsho mihtsürü abannü azhihayihde kamchoh; jumonü arü neak dübahjih!

JEREMIA 11:23

tüsho arü asheaning sheshe müla. Tümüde inü Anathoth mihtsürü kheak, arü thsümüchikhi kam, thsümütsü handarübah.

JEREMIA 15:15

O Atungpuh nünü mükheahlah; I lümkhitang tüsho rhuakheahang, tüsho I thsümüchirü kheak I royimpü hande akijang. Nü arümkheamkhi ching I hande dütsoshih; nü dünkheaknü I mükhemükim ludo de mükheahjang.

JEREMIA 17:18

I thsümüchirü achih ngüshang, tüshe I achih düngüshih; arü müyinsahshang tüshe I a dümüyinsahshih; arü kheak thsümütsü nimung handarang; alochode athsümüchinü arü dükheakshang!

JEREMIA 17:4

Nüsa nihbuhnü arhimokhi hode inü nüsa kilim jihkhi yamrüplurüp dükheakbah, tüsho nüsanü mümükheahkhi lomi ching inü nüsabo nüsa riribo tankihshihbah, tümüde I bukakhiukkhi ching lünnü atakpü mo khülang takkih-a lah.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 26:11

Judüki amükeamrü tüsho wukihrübonü atorü tüsho mihtsürü alala ki tha, “Ha mihtsürü asheshihpü thülünlah, tümütüsho nüsa nükhünnü asokhi nangde, apinü ha kiuto azhihde müchitdo.”

JEREMIA 26:8

Tüsho küyimki Atungpuhnü mihtsürübo alala ki asukpü Jeremia ki thiyukhüm jihkhi alala bankhea, amükeamrü le wukihrü tüsho mihtsürü alalanü api ramlobah tha, “ Nü ashepü tsütsü!

JEREMIA 37:15

Atorübonü Jeremia kheak bukakhiuk tüsho api lakbah athrütbuh Jonathan yam ching ramyuka zo, tümüde ju rihyam thsüa lakheah.

JEREMIA 38:4

Judüki atorübonü kiulongthsüpuh ki tha, “Ha mihtsürü asheshihpü lah, tümütüsho apinü ha kiuto ching aninga larü bonungrü tüsho mihtsürü alala arü ki hadürü yu thakhinü mulong ninishihchoh. Tümüde ha mihtsürünü mihtsürübo arung thsungkheak yungde arü thsümünimpü yimchoh.”

JEREMIA 6:15

Arünü machihde rhimodo, arünü athraneanbe yihbeakdo; tütüshe arünü machih, arünü achihpüyak mümükheah. Jumonü sherübo angakchonü ju lung arü angakbah. Inü arü thsümüchichoki, arü akeamkhamshihbah, Atungpuhnü thachoh.

JEREMIA 6:21

Jumonü Atungpuhnü ha thachoh: Kheahang, inü ha mihtsürü miki arü jing mükheshihpü jingmükhelung zojihchoh; berübuhrü tüsho tsührübo rukhühnü, yamhingrü tüsho müyamrü dükheakbah.

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

JEREMIA 8:12

Arünü machihde rhimodo, arünü athraneanbe yihbeak; tütüshe judü lang machih, arünü achihpüyak mümükheah. Jumonü sherü angakchonü ju lung arü angakbah; inü arü thsümüchichoki, arü akeamkhamshihbah, Atungpuhnü thachoh.

TÜZHOKHI 3:60

Arünü I azhihde mülapyukde royimkhi alala nünü ngüdo.

TÜZHOKHI 3:61

O Atungpuh , arünü I azhihde mükhemürangkhi alala nünü sodo.

LUKNÜ ATHRÜTKHI THIYUSHEAK-ATSÜ HUHTANYU 21:22

Tümüde harü ju royimkhi nimungbo lah, junangde thrüta lakhi alala dünjibah.

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.