JEREMIA 18:15 - AMÜSÜH HÜM CL Bible (BSI)

¹⁵ Tüshe I mihtsürübonü I mihabahdo, arünü sangthsübo ki rhümthüneabe takchoh; arü jipü limrobo ching arü jing mükhedo, tüsho arübo limto ching yungde limkeanganu ching tsodo,

JEREMIA 18:15 Iomraidhean Croise

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

ISAIA 3:12

I mihtsürübo–azürübo arü junorü ah, tüsho azoberünü arü kurungkheak yakzan shuhchoh. O I mihtsürübo, nüsa limberübonü nüsa bemüchihchoh, tüsho nüsa limro yingyingshihchoh.

ISAIA 41:29

Yung, arü alala akeangkeang; arü rhimo tümü müla; harü sangthsübo ha akeangkeang pung tüsho ayingying lah.

ISAIA 57:14

Hade athabah, “ Rünkihang, rünkihang, limro thsakhamang, I mihtsürübo limro chingnü jing mükhebe alala lah-a bahang.”

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

ISAIA 9:16

tümüde sherünü ha mihtsürübo bekheanü arübo bephülapdo, tüsho sherübo arünü abekheanü yingyingde zojih.

JEREMIA 1:16

Tüsho arünü I bahyukde mihbukmuyukkhi alala thsungkheak inü arü azhihde I mahkhapkhibo thabah; arünü jipürü thrünpuhbo ki rhümthüneabe taka kingaün, tüsho arü nihbuh khahnü arhimokhi ki kingaün.

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 11:12

Judüki Juda kiutobo tüsho Jirusalem ching larünü angübah tüsho arünü rhümthüneabe kingaünkhi thrünpuhbo ki zhibah, tüshe arünü küyimkishe arü küpkhukkhi kim ching arübo mükhümkhit.

JEREMIA 11:13

Tümüde nü kiutobo hihkhi nangde nü thrünpuhbo hihde kamdo, O Juda; tüsho Jirusalem kiudunglimrobo hihkhi nangde achihbe Baal kingaünpü kingaün sadambo thsüa lah.

JEREMIA 11:17

Wuto Atungpuh , shepünü nü khimkheanü, nüsa azhihde amütsü thado, tümütüsho Israel yamkhün tüsho Juda yamkhünnü amütsü rhimode, Baal kilim kingaün jihde I bukakhiukshih.

JEREMIA 13:25

Ha nü shihcham, inü nü kilim akhukhitkhi shihcham, Atungpuhnü thachoh, “Tümütüsho nünü I mihabah tüsho akeangkeang ching kin.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 18:14

Lebanon lungku achang kheak phürüm mülacho de? Awung kerüng bukkhi ngahcho de?

JEREMIA 19:5

tüsho arünü arü tsührübo Baal kilim taka kingaünpü Baal thsungkheak awung achang dangpungbo thsü, küpünü thiyukhüm müjih yungsho yakzan müthsü, yungsho I lüm ching müzahkhi la.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 2:32

Anünürü khülangnü anihbe zülu yungsho arhangrü khülangnü anihbe thüniokhimmih mihba de? Tütüshe I mihtsürünü mükhebinbe nimungbo I mihabahdo.

JEREMIA 3:21

Awung mujukbo kheak düsheak sochoh, ha Israel tsührübonü mushude atripkhi lah, tümütüsho arünü arü limro tsahphülapdo, arünü Atungpuh arü Thrünpuh mihabahdo:

JEREMIA 44:25

Wuto Atungpuh , Israel Thrünpuhnü ha thachoh: Nüsanü athakhi yu rhimo ching akuk ngüdo, ‘ Isanü thiyuchihchimkhi rhimopü isanü lümkihlah, yinmi kiulongthsübe ki rhümthüneabe takpü tüsho anihbe ki yukhu bukpü.’ Nüsa thiyuchihchimkhi dükde zoang!

JEREMIA 51:18

Arübo müthülünkhi, thiyuro mülakhi rhimo ah; arü thsümüchi kim ching arübo dükheakbah.

JEREMIA 6:16

Atungpuhnü ha thachoh: Limbeakbo kheak zhipang tüsho kheahang, tüsho jipü limrobo keoang, küching limro atsü la; tüsho ju ching tsahang, tüsho nüsa mebo thsungkheak sühakhim ngüang. Tüshe arünü tha, “ Isanü ju ching mütsah.”

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

EZEKIEL 21:15

Junangde mulong niuthünakbah tüsho akeamkhi hihbah, inü alaksahpü thsungkheak arü chipiripitbo alala kheak nukshang hanmukhungdo. O! Ha chinchobe nangde phürappü thsülah, alaksahpü ha thrüa ludo.

EZEKIEL 36:15

tüsho trükshihbonü mükhemükimkhi inü nüsanü musoshih, mihtsürübo achihahean nüsanü kheaküa mühan; tüsho kheaküa nüsanü nüsa trükshihbo jing mümükheshih, Atungpuh Thrünpuhnü thachoh.

HOSEA 11:2

Inü küdükhüh api jikheanü judükhüh api I kheaknü tso; arünü Baalbo kilim laksah-a kingaün, tüsho rhümthüneabe sangthsübo kilim jih.

HOSEA 2:13

Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

HOSEA 2:6

Jumonü inü anihbe limro ayangbonü arhamdobah; tüsho anihbe ki rhünü akhiungdobah, junangde anihbe limro müngükhuk.

MALAKI 2:8

Tüshe nüsanü limro chingnü tsomuwuhdo; nüsanü nüsa yakzan hode ahihdo jing mükheshihdo; nüsanü Levi tangzüng thsümünimdo, Wuto Atungpuhnü thachoh,

MATHI 15:6

abuh yungsho abe wüntrepü yihnüpü müla.’ Junangde nüsa jipü yakli dünkheaknü nüsanü Thrünpuh yu akeangkeang kamshihchoh.

ROMRÜ KILIM PAULNÜ ATHRÜTKHI KIHÜM HUHTANYU 14:21

nü keoniorü jingmükhepü thsüde shih tsühpü, yukhu yungpü yungsho, tümükhüh rhimopü dükdü yung.

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.